攞阿信屋優惠 先要過四關
廣告
CEC國際(00759)旗下阿信屋夥拍手機應用程式TNG，昨日起推行電子錢包優惠計劃，每個用戶登記後並在戶口增值滿100元，就額外送多100元，於阿信屋用TNG付款購物後，仲可以在原本折扣上再享88折優惠。即買滿$200元貨品，只需要付88元，即係44折呀。難怪每用戶只有一次優惠，都仍要吸引不少人爭相攞優惠。
咪住……要入阿信屋優惠中路，唔係咁易，原來要過足四個難關先可以攞到。
第一難關：有錢都log in 唔到TNG app
有好多網民話當輸入所有資料，到確認電話打來後，畫面便顯示無法登記，亦有網民下載TNG app後，個app一直指網路故障，就連登記或登入都做不到；最慘的是，有網民指自己明明是第一次登記，但完成所有步驟後，卻話其手機號碼經已領取，真喺慘不忍睹呀！
第二難關：server 大塞車
人人都知道阿信屋有幾咁受歡迎，在優惠推行首天，有很多人一湧而上的下載TNG app，令TNG server出現網路大塞車，有不少人到付錢時都未load到app的介面，未能享受優惠。
第三難關：電話無訊號喊出黎
正所謂「收到收唔到，唔喺靠彩數」，走來走去都是想收到數據訊號，有網民俾我地睇過TNG app有時會唔多穩定，明明收足哂都會話你使用的網路不穩定，有時真喺忍唔住笑，喺苦笑。
第四難關： 下載唔到app，絕望地輸在起跑線上
塵世間有乜野喺令人心有不甘? 就喺無論你點樣伸盡手臂，我們亦有一些距離。阿信屋呢個優惠喺要配合埋TNG app先可以用到，只不過在android 之中，要配備android 4.2 version的手機才能下載到呢個app。而小編的手機正好是4.1.1version，想upgrade version又upgrade唔到，唔通為左區區百幾蚊買過部手機？唉！唔通連個天都唔鐘意我，呢個優惠都係與我無緣了，唯有心中默默對著自己的手機唸：「如果可以恨你，全力痛恨你，連遇上亦要躲避……」
