7大搭車禮儀勿做失禮乘客！唔好大力閂車門、唔好一嚟就坐後座

社會熱話

Jan 15 2021

搭車禮儀好重要，相信大家或多或少都有試過坐親友嘅順風車，其實當中有不少禮儀要遵守！以下就有7個坐人車要遵守的禮儀，大家要注意，切勿做失禮乘客！

撰文：Mila｜圖片來源：網上圖片、新假期資料庫｜原文刊於：新假期

學校沒教的搭車禮儀！

1. 切勿大力閂車門

呢一項係大忌嘅第一位！很多人平時搭開的士，因為驚閂唔實車門，所以習慣大大力閂車門。但私家車嘅車門比起的士嘅車門設計更為複雜，可能有很多按鈕，所以相對上較脆弱，大力閂車門分分鍾震壞車門上嘅零件，整一整又要幾千蚊，車主真係多得你唔少！所以大家下次閂車門嘅時候記得溫柔返啲喇。

2. 切勿唔睇清楚就開車門

唔開大個車門點落車！？開大車門當然係無問題，問題係無睇清楚車門外面嘅情況就一嘢用力推門。很多時候，車門外可能係欄杆或者石壆，如果呢兩樣嘢的高度比較低，遮住視線，搞到一開門就刮花車門。最慘係開門果陣撞花左隔離車的車門，到時都唔知邊個賠好。

無睇清楚就一野開大個車門，容易撞到欄杆或者石壆。（圖片來源：pexels.com）

3. 唔好一嚟就坐後座，淨返車主係前面

唔講你可能唔會為意，坐私家車時一黎就坐後座，留空副駕，淨返車主係前面渣車，其實十分不尊重。無論係因為大家搭的士習慣左，又或者係覺得副駕位唔敢亂坐，但咁樣會俾人一種「當人係的士司機」的感覺。因此，如果只係得你一個，或者架車未坐滿人嘅時候都盡量唔好留空副駕位，以示對車主嘅尊重。

一上車就坐後座，淨返車主一人係前面，令人有種「當人係的士司機」的感覺。（圖片來源：pexels.com）

4. 一上車就係副駕睡覺=唔尊重

就算你避開了上一個行為，好醒目咁坐左上副駕位，但你都可能會犯這個禁忌。就係一上車就在副駕訓覺，特別係坐長途車／自駕遊嘅時候，咁樣一樣會令到車主唔係太好受。因為揸長途車其實都幾攰，所以最好就適當地同車主傾下計，令到佢無咁苦悶。不過如果你真係好攰，可以嘗試輕輕同車主說明原因才去睡，相信佢都會體諒，唔好誤會你。