抽中白居二、家人出首期 大學生因不想供樓陷兩難 網民因另一原因力勸唔好買
廣告
不少香港年輕人都將上車機會寄託在資助房屋上，但並非人人都夠幸運可以抽中居屋，日前，有網民在討論區發文，指自己抽中「白居二」（意思即是白表人士都可以買未補地價的二手居屋），而且家人肯幫手資助首期，但自己卻不想一畢業即淪為樓奴，因此陷入兩難，詢問網民意見。原本以為網民會一面倒罵樓主身在福中不知福，豈料竟然有差不多一半意見認為樓主不應該入市，究竟是甚麼原因？
撰文：經一編輯部｜ 圖片：連登討論區、am730
樓主：唔想咁快俾層樓綁住
近日，有網民以「FG（畢業生）抽中白居二點算好」為題，在連登討論區發文，指自己是2021年畢業生，抽中白居二，而且家人肯幫手資助首期，但要求樓主自己負責供樓，詢問網民：「唔想咁快俾層樓綁住，但唔買就驚遲啲買唔起，應該點算好？」
樓主又補充，自己是IT畢業生，預期月薪2萬元，由於不用壓力測試，因此若果一供樓，就要用光整份人工。
網民：中六合彩會唔會唔去收錢？
帖文一出，有部分網民形容樓主中了六合彩，若果不要會好傻，加上有家人出首期，除非短期內會離開香港，否則一定供；更有人寄語樓主，若現在不買，將來會後悔：
- 「你中咗六合彩會唔會唔去馬會收錢？完」
- 「送個二獎俾你都唔要？樓可以賣，但下次抽中會係幾時？可能無下次」
- 「有首期梗係供啦，除非你諗住短期內離開香港囉」
- 「你過幾年抽唔中就會諗點解當年咁傻」
- 「哩一刻你會覺得辛苦，過幾年，會覺得自己好幸福」
- 「咁慘唔好買，跟住過幾年後悔」
- 「樓主個人真係Ｘ下Ｘ下咁，上到車梗係上左先，供樓既錢都係你既資產，有樓d女追番你轉頭啦，唔想咁快d錢扎住係層樓，到你真係想買個時想扎都扎唔到」
- 「有FD抽中煥然壹居，但果時覺得太貴冇買，然後佢DUM Ｘ DUM到ＸＸ大過膊頭」
網民：白居二其實係垃圾
不過，亦並非所有網民都支持樓主入市，但不買的理由就不是單單唔想做樓奴咁簡單，而是因為覺得白居二並非物有所值，不如等新居屋或者儲錢買私樓好過：
- 「白居二其實都好Ｘ貴，要食人哋啲價，不如買私樓」
- 「白居二好多都貴過私樓，你以為中獎咩」
- 「不過白居二唔抵買，同一手居差太遠」
- 「依家真係唔好買，係咁出新居屋」
- 「綠表二手溢價好高」
- 「唔好啦，其實好唔抵，選擇亦都唔多，儲下錢將來買自己中意既仲好」
- 「依家2手居屋已經俾業主開到好貼私樓價，售價就是平私樓少少，但係好多都做唔到30年按揭，只可以做P按，息率都唔著數，白居二真係除左銀碼細D，無其他優勢」
- 「白居二其實垃圾黎，買私樓仲好，你第時想做按揭果啲要補返地價，換言之買左真係只可以要黎住壓住左啲錢」
- 「白居二如果補番地價，通常貴自由市場一兩成，所以你買得就係for一世自住，永不補地價，如果唔係都幾唔抵」
「居屋要補地價先可當私樓買賣，個價差唔多我點解唔買私樓？冇錯你話白居二個價平d, 但你諗下一年得幾多人抽中白居二？白居二有收入限制，抽中既人又有幾多實力？一班又窮又少既potential buyer,你真係覺得咁易甩手？」
聽完兩派網民分析，大家又覺得樓主應否去馬？
