網民籲復活節拒外遊留港救飮食業「打工仔都係家庭支柱」：大家有責任救香港
復活節考驗本港飲食業？
日前，有網民於社交平台發文，極力呼籲未有打算外遊的港人盡量留港消費，原因是「最近零售同飮食業受好大影響」，又指當中很多僱員都是家庭經濟支柱，但帖文卻引起網民兩極意見。
帖文原文如下：
好想做個呼籲，如果復活節未有計劃外遊，大家可以盡量留港消費嗎？最近零售同飮食業受好大影響，當中好多打工既係家庭支柱，如果再唔係香港消費好多家庭都會受影響。所以希望大家復活節長假盡量留港消費，救番香港大家都有份有責任。」
「就算你點幫佢地增加生意額都無用，業主只會見你好生意然後加租，最後都係做唔住。」
有網民分享消費心得:「我就不嬲都唔北上消費。至於本地食肆，我幫唔幫襯，好睇佢哋嘅食品同服務質素。一個客觀事實係：食肆喺市場上係供過於求。」
2月份消費物價指數
政府統計處數據，2024年2月的綜合消費物價指數按年上升2.1%，較今年1月的相應升幅1.7%為高。剔除所有政府一次性紓困措施的影響，期內綜合消費物價指數按年升幅（即基本通脹率）為1.2%，亦較今年1月（0.8%）為高。按年升幅擴大主要是受農曆新年影響導致食品價格上升。
從細分指數分析，甲類、乙類及丙類消費物價指數的按年升幅分別為2.3%、2.0%及2%，而1月份的相應升幅則分別為2.0%、1.6%及1.5%。
若剔除所有政府一次性紓困措施的影響，甲類、乙類及丙類消費物價指數期間按年升幅分別為0.8%、1.2%及1.6%，而1月的升幅則分別為0.5%、0.8%及1%。
政府發言人表示，基本消費物價通脹率在二零二四年首兩個月維持溫和。儘管外出用膳及外賣的價格繼續錄得相對快的升幅，基本食品的價格按年下跌。能源相關項目價格進一步向下。其他主要組成項目承受的價格壓力仍然大致受控。
展望將來，整體而言通脹在短期內應會保持溫和。儘管本地成本或會隨着香港經濟繼續增長而面對一些上升壓力，外圍價格壓力應會進一步緩和。政府會繼續留意情況。
網民點睇？
- 「到底係邊個搞成今日嘅局面？點解要市民埋單？」
- 「經濟好就加價，經濟唔好又唔減價！」
- 「叫飲食業唔好叫人搭枱限時趕人走先啦。」
- 「香港食野又貴味道又唔係好好食服務麻麻地要改善。」
- 「就算真係留係到消費，幫到啲咩？根本現在問題係成個市面氣氛都係咁差。」
- 「價錢同質素唔成正比，憑乜叫人留港消費？」
- 「不如打開銀包比你任搶啦！消費意向係個人自由嚟。」
- 「喺香港打1次邊爐可以返大陸食6餐！」
