張學友自爆近乎零收入、一個原因拒做「包租公」：雷曼苦主昔日狂蝕4,000萬
廣告
「歌神」張學友近日於訪問中自爆自己近年幾乎「0收入」，穩陣保守派的他亦罕有談及自己的投資理財心法，又分享拒做「包租公」的原因。
張學友：物業皆自用
四大天王之一的張學友近日接受香港電台節目《香港機遇》訪問，在節目中，張學友笑言自己近年「一啲收入都冇」，他又分享投資理財心法，指自己屬於保守型。
「多數都係低風險，買物業唔係我主要投資，所有物業都係自用，所有物業、倉庫都好，住又好、寫字樓又好，都係自己買嚟用，唔係自用嘅物業都賣出去。」
他又指，現時做「包租公」並不輕鬆，「因為我覺得租畀人好辛苦，窗漏水又關你事，水渠爆咗又係你去整。」
拍戲為興趣
張學友除了歌唱了得，在電影方面亦有出色表現，他一共參演超過70部電影，其中於1989年，憑藉電影《旺角卡門》獲得香港電影金像獎的最佳男配角獎。不過近年張學友甚少出現幕前，他在節目中表示，以前主要靠拍戲維持生活，現時拍戲只為興趣：
「以前唱歌（收入）唔穩定，未搵夠，唔知唱歌係咪可以維持生活，但拍一部戲，我知道幾多錢，比如一年我接咗七部戲，我就知嗰年收入有幾多，我大概就知自己嗰條數係點，所以有段時間，拍戲係我主要生活收入，後來做演唱會嘅機會多咗，收入有保障，咁我就變咗得閒時、有啱嘅劇本，或者有人情債要還時拍吓。」
地位低過寵物龜
張學友亦難得公開談及家人，他表示家中地位排名依次是太太、兩個女兒、媽媽、然後是寵物狗，他自嘲地位低過飼養的龜：「屋企隻龜仲高級過我，我要幫牠抹屎、餵牠、洗籠。（我的排名）可能再後些，隨時加多隻龜或生龜蛋。」
張學友慘成雷曼苦主
2008年金融海嘯及雷曼事件是不少香港人的傷痛回憶，除了普通散戶要勒緊褲頭等政府出手幫助之外，當年不少圈中藝人亦成為「雷曼苦主」，少則蒸發數百至數千萬身家，嚴重的更要延遲退休。
猶記得2008年之前，歌神張學友只會選擇性演唱會，但有傳當年在金融海嘯吞噬下，張學友慘變雷曼苦主，蝕逾4,000萬，相當於一半身家。為維持家人優質生活，張學友歌影兩邊全面復出，亦會到外地登台。
圖片來源：RTHK《香港機遇》截圖
