港人 山姆超市

港女懷疑山姆超市賣Adidas假貨　慘遭網民恥笑：真係賣假貨你就發達喇

經一編輯部
社會熱話

廣告

山姆超市和Costco深受香港人熱愛，就連旅遊社都推出旅行團，人氣極高。而當Costco超市開張後，越來越多山姆超市劣評出現，近日就有港女在社交媒體中大吐苦水，懷疑在山姆超市中伏買到A貨，當中居然有3個設計位與「山姆版」截然不同，就連價錢都比官網貴，不過一班網民反指樓主「唔識嘢！」
港人 山姆超市 山姆超市 adidas 山姆超市深受香港人熱愛
山姆超市深受香港人熱愛（圖片來源：小紅書）

港女懷疑山姆超市賣Adidas假貨

近日，有港女在Facebook群組「山姆中伏分享Group」中懷疑自己在山姆超市中買到假貨，帖文中寫到：「有冇諗過山姆會唔會賣假貨，話說我見到隻Adidas水桶包，毫不猶豫入手。開個「得物」app睇吓賣幾錢，睇睇下細節圖，有個旗仔嘅？搵曬成個袋都唔見有！再發現新加坡官網都有旗仔喎！」

港人 山姆超市 山姆超市 adidas 事主在山姆超市買了個Adidas手袋。
事主在山姆超市買了個Adidas手袋。（圖片來源：facebook@山姆中伏分享Group）
港人 山姆超市 山姆超市 adidas
（圖片來源：facebook@山姆中伏分享Group）
港人 山姆超市 山姆超市 adidas 她發現Adidas官方網站中，手袋的外表有一塊小標籤。
她發現Adidas官方網站中，手袋的外表有一塊小標籤。（圖片來源：facebook@山姆中伏分享Group）
港人 山姆超市 山姆超市 adidas 不過她在山姆買的手袋，卻沒有這個小標籤，所以令樓主認為自己買到假貨。
不過她在山姆買的手袋，卻沒有這個小標籤，所以令樓主認為自己買到假貨。（圖片來源：facebook@山姆中伏分享Group）

此外，有網民更發現「山姆版Adidas」還有2個位置的設計與官網不一樣！首先是索繩位子多一塊白色的裝飾，以及品牌Logo位置，官網上明顯見到Logo位置後有一塊白色布縫製，不過「山姆版Adidas」就沒有這個設計。而且這手袋在山姆售價179元人民幣（約200港元），不過在Adidas官網僅需要97.30元馬幣（約163.55港元）。

港人 山姆超市 山姆超市 adidas 官網上的設計
官網上的設計（圖片來源：Adidas官網）
港人 山姆超市 山姆超市 adidas 官網上明顯見到Logo位置後有一塊白色布縫製，與「山姆版Adidas」的設計大不同。
官網上明顯見到Logo位置後有一塊白色布縫製，與「山姆版Adidas」的設計大不同。（圖片來源：facebook@山姆中伏分享Group）

事主慘遭網民恥笑：佢哋真係賣假貨你就發達喇

帖文出街後引起不少網民恥笑，認為山姆是美國零售商沃爾瑪（Walmart）的子公司，根本就不會販賣假貨：「如果佢哋真係賣假貨你就發達喇！山姆總公司係美國，你告得佢入，咁就真係打跛腳都唔駛休」、「咪玩啦，佢賣假貨Adidas實告到佢甩褲」、「我覺得應該係水貨，唔會係A貨，咁大間外國公司唔會賣A貨啦」、「我公司有提供貨品畀Sams同Costco，理論上呢啲公司只會賣正品，唔係正品你可以隨便告Walmart」。

亦有行內人士表示是真貨，不過就並非同一批貨：「你見到喺Walmart、Sam’s club、Costco賣嘅牌子衫，都係special order made for 呢啲 wholesale store，通常係用正店嘅款，但用比較平嘅物料同手工，例如（外型）削啲、粗啲嘅布，精減到好快車完一個袋，成本就會平好多」所以這裡售賣的服飾產品必定比正店的差：「但一定係正貨，概念同outlet一樣」

圖片來源：小紅書、facebook@山姆中伏分享Group、Adidas官網

最新文章