屈臣氏樽蓋係香港最冇用發明？遭網民圍插唔識貨：人哋拎過設計大獎！

社會熱話

Jun 14 2024

近日，就有港人在社交平台「Threads」上發布帖文，當中寫道：「屈臣氏個綠帽應該係香港史上最冇用發明」一句說話引起網民熱烈討論，有人同意事主的看法認為其設計唔好用：「仲要好跣手好難扭開」不過就有更多人持反對態度，怒指唔識貨：「知唔知人哋拎過設計大獎！」

屈臣氏樽蓋大家又是否認同這想法？（圖片來源：threads圖片） — 大家又是否認同這想法？（圖片來源：threads圖片）

屈臣氏樽蓋被彈「香港史上最冇用發明」原來設計理念超貼心！

原來屈臣氏這個極具標誌性的樽蓋，由本地著名設計師劉小康先生設計，首先考慮到用家的使用習慣，特意把水樽設計為葫蘆型，以便用家手握水瓶；同時加寬瓶蓋，令用家可以當做杯子使用，增加實用性，值得一提是這個設計獲得「瓶裝水世界」全球設計大獎，除此之外，更可以保護樽蓋以免受污染

屈臣氏樽蓋屈臣氏官網曾經發現樽蓋的用途（圖片來源：Facebook@屈臣氏蒸餾水 Watsons Water） — 屈臣氏官網曾經發現樽蓋的用途（圖片來源：Facebook@屈臣氏蒸餾水 Watsons Water）

網民圍插樓主唔識貨！

為此不少網民為屈臣氏樽蓋平反，紛紛留言表示：「放狗唔記得帶水我一定會買呢枝，個蓋可以比佢哋用嚟當兜飲」、「其實我覺得一般樽蓋有啲人特別係小朋友或者老人家會擰到手痛呢個就唔會仲開得幾舒服幾方便，我都係第一次見人X呢個樽蓋，我覺得呢個發明幾好幾signature，客人都記得屈水係呢個樽蓋」、「防塵、衞生、易扭開仲可以當水杯用，完全係最佳樽蓋設計喎！」、「細個會倒落個蓋到扮古人飲酒」。