小紅書流傳「去日本7日平過來港旅遊」驚人計法惹熱議：得一個地方啱佢哋去
廣告
近來社會上有不少聲音指，在港消費如交「智商稅」，稱不論衣、食、住、行都貴過內地太多，寧願北上消費都不願在港花費一元。近日，在小紅書上更有內地網民表示「去香港玩3日2夜的價錢，倒不如去日本一星期」，指價錢更便宜，惹來港人熱烈討論。
內地網民稱來港3日2夜 貴過去日本7日
近日於Facebook專頁「世界旅遊 生活趣味多一些」中，有一帖文引起港人熱烈討論。事關有網民轉述指有小紅書網民表示，「來港3天2夜價錢，倒不如去日本一星期，價錢更便宜多選擇，日本食物更俱質素」。不少網民看到言論後，在帖文中即現過百熱烈討論。
網民：呢條數到底點計？
網民留言的重點在於「到底講呢番說話嘅人，識唔識計數」？留言中指「有計機票錢嗎？數學白癡？」、「去日本瞓麥當勞？」、「等等先！即係話佢哋有本事喺日本一星期洗少過窮遊香港399？？條數係點計出嚟？」、「日消費300，窮遊香港的錢，唔夠去東京搭JR喎…..(行乞另計）」、「澳門都唔啱佢哋去」、「望到呢啲『要求』，我諗全世界得一個地方滿足到佢哋，就係內地」。
言論惹質疑：似係吹水
同時，亦有網民指「又話驚輻射？又話核廢水？而家又話寧願去日本？」、「去日本都明，唔通嚟香港食返上邊落嚟開嗰啲酸菜魚同手打檸檬茶咩，還有周街錢大媽、銀大爺，但你話價錢更平額係老作」。亦有人質疑樓主的說法是「砌內地網民生豬肉」，因在小紅書上都找不到原文出處。
圖片來源：Unsplash@ Ryotando、小紅書@泰國77、Unsplash@ Shuken Nakamura、小紅書、Unsplash@Jezael Melgoza
