將軍澳人坐港鐵 來回地獄又折返人間
廣告
冇嘢嘅，呻吓啫。小弟住響將軍澳成廿年，由佢冇港鐵年代，日日坐巴士由將澳軍往返北角返工開始，一直住到家陣。
響冇港鐵嘅年代，遇著打風落大雨，一定塞車塞到暈，試過一次三號風球塞成咗兩粒鐘，咁啱放工前又冇去廁所，真係急尿急都爆，又冇得落車，果一刻，真係好想有個膠樽響手，就地解決。
好啦，終於守得雲開，有港鐵坐啦，小弟屋企都叫做靠近站口，初時係幾好嘅，出入返工放工的而且確係方便咗好多。
可能因為咁，將軍澳就愈住愈多人，加上啲地產佬起完一幢又一幢，好似一夜之間，成個將軍澳都係人啊人啊人啊！
一到假期，諗住去商場求其搵間餐廳食過飯啦，唔係講笑，輪番一頭半個鐘冇走雞。
好啦，都算，最慘係當康城站開咗，我哋呢啲住寶琳嘅人就慘咯。每次響調景嶺一個唔留神，就會入咗去康城嘅車。由調景嶺一直去將軍澳都大安旨意，一路碌手機，直至佢廣播話「下一站康城」，我先至賴野。
無可奈何惟賴死唔走坐到佢原車出番將軍澳站啦，見對面有車嚟，又見有人入，我梗係第一時間衝入去啦，以為好快就可以返歸。
點知……媽呀！點解又係去左康城架？來回康城又折返將軍澳嘅痛苦，就好比來回地獄又折返人間咁慘情。
延伸文章
【我唔係斯文敗類 銀行職員 3 大血淚】
http://www.edigest.hk/Vip/detail?id=7387
【網民熱話】公屋仔發圍 喻港女「莫欺少年窮」】
http://www.edigest.hk/Vip/detail?id=7279
【擺明晒命 去旅行必影7大招牌相】
