欲帶3個月大BB到沖繩浮潛　網民諷刺怪獸媽媽：1歲就可以上埋火星

阿媽欲帶3個月大BB浮潛

沖繩以湛藍的海水聞名，因此不少人會特地到著名的青之洞窟浮潛，落海探秘。有一名媽媽於Facebook發文，指自己將會到沖繩旅行，同行有一名只有3個月大的BB，而她想徵求網民的浮潛意見：

請問大家有沒有帶小嬰兒（屆時三個多月）在沖繩浮潛的經驗？有哪間浮潛店可以帶BB的嗎？如果沒有，那一家人浮潛或潛水時是不是就要留一人照顧BB？謝謝！

當然，如此不合理且異想天開的「真心膠」發文即時引來大批網民熱烈討論，不少人都怒斥阿媽的想法極癲而且無常識：「嬰兒怎可能去浮潛呀！有冇常識？！」、「去呢啲戶外活動為主嘅地方，唔好睇少30度以下天氣，BB散熱能力唔似大人，想個BB仔中暑易過你去搵保母」、「產後三個幾月，傷口都未埋好哂，身體都未休養好就咪學人浮潛啦」。

亦有網民以搞gag式留言諷刺這位「真心膠」阿媽：

【BB都有主見㗎！】「其實有冇問過BB想唔想去沖繩同浮潛未？可能BB係想去韓國滑雪，又可能想歐遊沖浪，同bb傾吓先啦！」

【改個名啱啲】「不要叫浸個三個月大嬰兒落海做『浮潛』；試著叫這『餵魚』、『海神獻祭』或者『掉佢落海』。」

【BB can do ANYTHING！】「3個月浮潛、4個月笨豬跳、5個月跳傘、6個月登珠峰、7個月上太空，咁1歲就可以上埋火星。」

【其實BB自己搞得掂！】「其實嗰個3個月嘅BB可能已經識自己煲水沖奶飲同識去廁所，所以一家人浮潛或潛水時可安心留個BB喺酒店房 #曲」

【風浪呢家嘢算得上啲咩】「BB話：想當年我潛左9個幾月羊水啦，咩風浪未見過！ 」

網民認真回覆：酒店有付費保母可幫手照顧

同時也有網民認真回覆這位阿媽：「頸骨一般要到六個月大先夠力，連抱都要小心。何況在海水中，海浪係有衝力嘅」、「酒店嘅話，一般可付費請保母幫手照顧，唔落水。但入住前應先講明等酒店安排」。同時也有人指出，根據水下愛好者團體PADI的教練指引，浮潛課程最少8歲才可參加。但就算小試牛刀，潛店一般接受年齡限制最少都需要到5歲。

沖繩親子浮潛普遍　但最少2歲以上

其實在沖繩，親子浮潛是十分普遍。不過，大部分提供浮潛店只會接受2歲以上的小朋友參與。而小朋友的所謂「浮潛」，亦只不過是坐着水泡跟父母一起在海中觀賞水底的魚及餵魚。

不過沖繩浮潛店的服務可謂十分貼心，部分浮潛公司更會提供託兒服務。如果小朋友因為年齡或不敢玩浮潛，也可以帶到託兒中心，由職員負責照顧，對象為6個月至9歲兒童，那父母便可以安心享受浮潛。不過託兒服務的對象必須是6個月大或以上，這位媽媽不如再等3個月，待BB半歲大才去浮潛吧。