返朝7晚6 老細叫佢再返早啲 網民：已經是奴隸獸 ｜加班
撰文：麗爾｜圖片：電視截圖
事主：
網民相同經驗：
經理試過叫我地早半個鐘返去預備，我講咗句：返早半個鐘人工計唔計，唔計嘅，你又想要早，就叫上面批錢落來。
條友同我講：你上一手早半個鐘返來，遲半個鐘走。
我話佢還佢，我還我。
做咗個半月，頂唔順條友
一係調我哋走，一係我辭職。
第一日返去，我返8點，7:58分到。入到去佢就話我遲到。
我做長工都做1個月頂唔順，仲記得我LAST DAY ，經理入來話你哋呢啲椅係佢地，唔可以坐，但見你哋今日做咁耐，又遲食飯，俾你坐埋今日，明日唔可以坐要拎返出去。
1.早返早走
2.冇錢嘅話冇計傾
3.聽話加班
4.聽話加班但hea做
【加班】圖片：電視截圖
5.早返要公司俾錢搭的士
其他網民留言：
「轉工啦，每日返11個鐘，做人仲有乜意思。」
「千其咪做壞個頭，下次再叫你返6放6，打工仔再勤力賺咗又唔分比你，有功佢領，做好自己份內事已經足夠。」
「痴X線，朝七晚六，幾錢個月？」
「公司有需要應比ot錢，最公道。」
「你公司連一位員工半小時工資都支付不出。垃圾公司乞兒老闆。」
「早日轉工，早日解脫」
延伸閱讀：跳槽新同事人工高我$5,000 唔加我人工因為隔離飯香
【跳槽新同事人工高】公司一直處於嚴重人手不足嘅問題，今日終於迎來喜訊！有一位行家由今日起加入我哋部門，聽講仲係一位靚女，如所言屬實，我嘅工作效率一定會提高唔少。
撰文：Purple弟弟｜ 圖片：電視截圖
唔係佢高人工 係我太低
終於到咗新同事嘅入職日，好遺憾一眼望落就知道我只會維持喺原有工作效率…
不過新同事都叫做好相處，好快都熟絡到，仲俾我打探到佢人工係$18,000！
身為同一個職位嘅我，人工得$13,000心裡實在唔係太好受。
不過我唔會嬲新同事，亦唔會妒忌，畢竟唔係佢高人工，係我太低。
忠誠度最廉價
唔知由幾時開始，忠誠度係公司心目中變成咗最廉價嘅心態。
你每年為公司打生打死，換來嘅係年尾Appraisal唔可以填得太好，因為公司預咗唔加人工俾你。
當你做得愈耐，份Appraisal就填得愈hea，因為你知道份嘢只係一張廢紙，加定唔加高層心中早已有數。
但奇怪嘅係，公司唔會善待做得嘢嘅「老臣子」，你走唔留你，你留我又唔調整人工！
仲要得閒埋嚟講句：「拍硬檔，幫幫手」做埋本身唔係你工作範圍嘅嘢。
相反，由其他公司跳槽嚟嘅就未落場就當正係人才，人工高過原本公司同職人員就不在話下，仲要倍加關心同呵護。
做夠一年先走
後生仔，如果依家仲有人同你講：「做夠一年先走好似好啲喎，唔係到時見工hr問你點解咁快轉工，你點答？」
我答你條命，你係間公司磨一年虛度光陰果陣，其他人已經拎住三、四份糧單跳槽，人工跳咗幾輪啦。
不過我諗呢種心態其實人人都有，因為次次食lunch，Peter仔都會夾我啲餸試一啖，然後講句：
「哇，你個咁難食嘅，好彩我冇嗌你果個！」
鬼叫你永遠都覺得「隔離飯香」咩…
