一齊夾錢買樓 有無得諗？網民：無得諗 亦唔使諗

撰文：浩德  ｜ 圖片：unsplash、討論區截圖｜資料來源：香港討論區

樓主的夾錢買樓大計

原帖內容：

「多有多夾，少有少夾，至少十萬為「一個單位」

費用價錢所有野按比例平分，當擁有最多「單位」要求賣樓就要賣，賣價最低價錢係由所有人心目中價再拉個平均數

如果賣個「單位」，只要有人肯接個「單位」即個十萬即可

買既單位以500-800萬為主，當然可以自己住番，但按市值俾番咁多位老細

邊個出最多錢，就有得話事權權層樓落自己名，但買完之後都要每人簽張律師紙，保障每人權益

好處：唔洗花咁大首期，同買股票差唔多
壞處：大家三唔識七，問題實多，但只要大家買賣之前簽好文件保障大家，我覺得有得諗

我唔係想係度sell 人叫人夾錢，只係想大家諗係呢個方法有無吸引力？」

網民：非法集資

樓主指夾錢買樓計劃是「多有多夾，少有少夾」，並認為好處是「唔使花咁大首期，同買股票差唔多」；

而計劃缺點只是「大家三唔識七」但同時表示「只要大家買賣之前簽好文件保障大家，我覺得有得諗」。

大部分網民均指樓主方法不可行。

而且大家即時反應均是：「非法集資」、「黑市資金，落名上身，一定無得諗」、「已經犯左（咗）法」

人多意見多 簽一百張律師紙都無用

有網民發現到樓主的計劃除了有「非法集資」的問題外，也留意到「人多意見多, 好快有爭執」的問題。

因為即使是認識的親朋戚友，也很大機會因財失義，更何況是與「三唔識七」的陌生人夾錢買樓。

而且，因為計劃是「非法集資」，所以不會有律師願意幫樓主「簽文件」做證。

更有網民指：「唔落名 你簽一百張律師紙都無用 因為地政處只會認契 契寫邊個 就係邊個 一代理就犯法」

「無得諗 亦唔使諗」

有網民也提出樓主計劃在執行上的困難，包括「大股東蝕錢都要賣咁點？攪到咁複雜邊個負責管理？其中一人唔肯俾雜費點算？大股東無啦啦無左（咗）個人頭！親兄弟都唔得，可（何）況係唔識得！」

更有網民詳細列出實際例子解釋樓主計劃的漏洞，非常精彩！

「假設 A 出最多錢，合共有5人投資，A-E,層樓用A的名字，買入價是800萬。由B 用市值租金去租用，樓市下跌，樓價只值$500萬，但A因生意失敗將會破產，而B-E都不想賣，因為大家都覺得幾年後可以升更多，但層樓用A的名字，如果現在不賣，層樓因由A持有，便會因A破產而被銀行收回，但如果現在賣，便做成大額蝕讓，這情況可以怎樣做?

可能性如下

1. 如果賣樓!  B-E 的買家因A 破產而被迫蝕讓出售單位!

2. 如果不賣樓! A買家因破產, 單位被銀行收回! 變成銀主盤,要還清A 在銀行的按揭, 再扣除A 的債務. 如果還有錢剩才可退回給B-E. 但應機會極低!

3. 由B-E 再借錢給A, 另A 不能破產,以保層樓的投資,但如果A 是一名賭徒, B-E因不想A破產的話,他們便會變成A 的超級提款機.

所以我覺得樓主方案極好,我第一個參與,但我只會做A.」