天水圍公屋被指要企馬桶沖涼　網民見真相後反斥「唔識貨」

社會熱話

Jul 5 2024

香港地一屋難求，公屋等候時間過長，排到一間公屋簡直像是中六合彩大獎似的。日前有一間位於天水圍的公屋的照片被放上Facebook群組，相片為2-3人單位配一個微型廁所，直指微型廁所要洗澡十分不客易，照片引起了不少網民熱議，笑言「有錢都買唔到」、「身在福中不知福」！

天水圍公屋微型廁所被指難沖涼　網民見真相後反斥「唔識貨」

舊式公屋的廁所設計通常都沒有預設乾濕分離，要由住戶自行加設浴簾擋一擋。而近日有人把天水圍一公屋廁所拍照並放上Facebook群組「公屋討論區」，指「天水圍公屋呢個廁所沖涼唔容易」。從照片可見，一開門已見座廁和小洗手盤，而座廁頭上就已是花灑，換言之洗澡時也會碰到「馬桶」。

天水圍公屋廁所沒有乾濕分離（圖片來源：Facebook@公屋討論區） — 廁所沒有乾濕分離（圖片來源：Facebook@公屋討論區）

有網民見狀即留言指，「呢個廁所點比人用，衰過劏房」、「2-3人單位整個豆膶咁細嘅廁所，有肉地少少都入唔到啦」、「咁樣點沖涼，拎嘢都撞牆啦」、「唔講以為住緊一劏4嗰啲房」、「還掂都要整，點解唔可以整好啲畀人住呢？無錢住公屋都可以畀少少尊重掛？」、「住公屋無錢都唔使咁侮辱人」、「個水掣設計會唔會騎呢得濟，放咁低好易揩到亂開水，個花灑又低到頂頭」、「而家公屋唔係搞到咁呀嘛？」

天水圍公屋廚房（圖片來源：Facebook@公屋討論區） — 廚房（圖片來源：Facebook@公屋討論區）

網民：呢啲廁所先係好嘢啊！

有識貨網民一見到即反駁，指「坐喺度沖不知幾好，呢個廁所先係好嘢啊」、「順便洗埋個廁所，可以慳埋水費又乾淨」、「呢啲廁所永遠冇臭味，有錢都買唔到啊而家」、「這個好，老人家可坐馬桶上面慢慢沖，不怕滑到」、「舊公屋4-5人單位都係咁，唔容易都住幾十年啦」。亦有網民指「40年前嘅設計，唔做唔改唔錯」、「整度趟門就可以了。有公屋住已經好好，好多人都冇公屋住要捱貴租又點計呀？？2024年知足常樂吧！」、「以前住公屋真係咁樣沖涼，著拖鞋一邊沖花灑噴埋馬桶，唔通要乾濕分離嗎？」、「有間屋住，仲想點啊，你可以唔要，瞓街去公廁沖又唔駛交水費」。