大昌結業︳通關之後唔爭氣香港超市排住隊冧︳凍鏈茶專欄

大昌結業︳捱得過疫情 捱唔過通關

大昌行係中信（0267.HK）間接持有嘅全資子公司，中信當年老細榮智健初到香港，以太子黨姿態東買西購，91年向本地一班商家收購大昌行約3成權益，再喺92年進一步收購餘下權益，並於07年上市，中信佔公司已發行股本約50.1%，直至2020年中信先正式私有化大昌行。雖然平時大昌行都唔算多人行，但畢竟係國企持有，以為點都捱得住。而家咁樣，只可以話又一間捱得過疫情，捱唔過通關嘅印證。

大昌結業︳U購select亦悄悄地削鋪

另一間由國企華潤集團持有嘅超市品牌U購select，亦喺過去一年悄悄地由100間左右削減至57間。華潤就話會引入更多內地品牌，增強競爭力。不過香港人去U購都係為咗買Tesco，即係鍾意英國嘢。而家引入內地品牌，不如直接返內地買，管理層分分鐘捉錯用神。