大專畢業想住私樓 要幾多年先買到？

撰文：Jackie

圖形來源：Kai Chi Leung 梁啟智 Facebook

根據數據顯示，400個調查屋苑中，頭119位上榜的都是私人屋苑，到了第120位才有居屋愉翠苑，第1個出現的公屋屋苑是排在第215位的家維邨。可見在教育程度上，香港的私樓和公屋的居民有很大差距。

梁啟智認為，數據反映出公屋不太歡迎大學生申請或在公屋長大的大學生，畢業後會搬走。

不過，若本身不是住在私人屋苑，不靠父幹，要成為住私樓的大專畢業生，fresh grad要儲幾多年才有機會上車？

按照排行榜上，頭10位大型屋苑的樓價計算，以愉景灣最細實用面積368呎的單位最易上車，做七成按揭首期96萬，若能通過壓力測試做九成按揭，首期僅32萬。

以統計處2015年專上教育程度月入中位數數據，大專生起酬點是11,000元，若以做九成按揭為目標，極慳家地初期食屋企住屋企，將七成人工儲起，42個月就夠能付首期，約26歲就擁有一層私樓。若做七成按揭，則要約10年才能達標。

相比之下，如果想買入碧瑤灣906呎的單位，就算不吃不喝不用，都要儲29年才夠錢上車。

延伸閱讀：
【綠表公屋呎價頻破頂 九龍呎價王246萬易手】
http://www.edigest.hk/Vip/detail?id=5559
【樓價升不停 邊8類樓盤搶先破頂？】
http://www.edigest.hk/Vip/detail?id=5486

【94萬買市區樓 綠置居接受申請】
http://www.edigest.hk/Vip/detail?id=4552
【唔受「2047大限」影響有邊啲物業？】
http://www.edigest.hk/Vip/detail?id=5323