國際學校債券大跌價 二手平過一手

近年不少「貴族」國際學校以出售債券方式籌集資金，購入債券的家長，其子女將有優先入學權。雖然買入這些債券後，不代表子女一定入學，但據售賣多年二手國際學校債券的陳先生表示：「咁多年來，未見過買咗債券入唔到學校的個案，因為買得起咁貴債券的家長，一早就將子女訓練到識講英文，面試時對答如流，入到機會好高。」

已有22年會籍買賣經驗的貴族會籍服務有限公司經理陳先生表示，現時市場上只有滬江維多利亞學校、漢基國際學校、弘立書院及英國哈羅國際學校的債券可於二手市場轉售。

弘立債價高位跌逾三成

由於不少家長買入債券並非為投資，而是想鋪路幫子女入學，所以市場甚少二手債券放售，令這些債券有價有市(見表一)。

不過近排經濟轉差，二手國際學校債券需求相對少，好多放售量，造成債券大跌價。「好市嗰時想人哋放，唔好市好多人主動打電話嚟放，基本上而家只有內地新移民會買。」

陳先生舉例，上年漢基國際學校二手價最高成交價係800萬元，對比今年下跌了25%。而弘立書院由高價600萬元，對比今年下跌逾三成。

惟大跌價後，市場已出現二手平過一手的現象，像滬江維多利亞學校目前二手債券價約200萬元，較一手價350萬元平43%。弘立書院二手債價則低約23%，哈羅國際學校則低約一成(見表二)。換言之，家長可以用平啲價錢，就可以幫子女鋪路入讀國際學校。

目前較多債券出售既係弘立書院，該校由「光纖之父」高錕等創辦，由於採用普通話教學，較多內地富戶新移民報讀。而漢基國際學校因而停售公司提名權，所以二手價仍高達約600萬元。

不過他亦提醒，很多家長不會買這些債券作投資，因為轉售要經學校同意，利潤要與學校對分。有好多個案是小朋友畢業後不贖回，當捐款般給學校。

邊度買到：
二手國際學校債券可以會籍公司購買，以下是部分有售的會籍公司：
貴族會籍服務 電話：2366 9393
永輝會籍服務 電話：2174 7880

注意事項：
1. 購買債券後並不保證子女能在該校讀書，只是獲得優先入學機會。

2. 不少學校條款列明，持有人在債券轉售後利潤須與學校均分。
3. 要找合資格會藉買賣公司購買二手債券，提防受騙。
4. 贖回債券要留意各間學校條款、細則，通常要扣除還款，有些亦會逐年貶值。

你可能有興趣的文章：
【10年前要400萬元 現在養大小朋友要幾錢？】
http://www.edigest.hk/Vip/detail?id=2521

【印花有價有市 扲完咪亂丟】
http://www.edigest.hk/Vip/detail?id=2529