港男坐廉航慘被6個細路圍攻4小時　全程尖叫+踢櫈　網民嬲爆：家長放養?

在Facebook群組「HK Express 香港快運及旅行資訊關注組」上，一名港男分享了他在搭乘廉航時被6個小朋友「圍攻」的經歷。港男指當日他乘坐香港快運航空UO639的航班，由福岡返回香港，4小時的飛行時間都充滿着精彩的「表演」，他直言：「爽過去紅館，全程無悶場！」

港男上載6段影片：走廊巡迴表演、人肉按摩椅、全程落力大嗌

其中一條片中可見，有一位媽媽抱著一個正在哭喊的小孩，試圖安撫他的情緒，背景中可以聽到其他小孩子吵鬧的聲音。另一段短片中，一個小孩子站在椅子上和家長打鬧玩耍，期間不停大笑和尖叫，甚至還拿著枕頭叫其他小朋友：「快啲！摔角呢個嘢」，家長完全不顧及其他乘客需要安靜的環境。此外，另一段短片中可以看到一個啜奶嘴的小孩在機艙通道上赤腳行走。

港男提到他坐在前排的12位乘客都認識，其中有6個大人和6個小孩子同行，所以小朋友們不停走來走走，整個航程都充滿了嘈雜的聲音。還有一個小孩子正在和家長發脾氣，一邊大喊大叫，一邊猛踢前座，但家長不但沒有制止，還一直與小孩子理論。

港男：同家長反映完都無用　全機乘客包受滋擾　仲要成地餅屑

港男表示曾向家長們表示受到滋擾，不過情況並沒有改善，其他乘客甚至戴上降噪耳機也無法隔絕小孩子的嘈音，直到降落時，他還聽到其他乘客紛紛討論這件事。除了聲音的困擾，機艙的座椅背部還有鞋印，「無法想像他們下飛機後的位置，更可怕的是，到處都是餅屑等等」。

其中一位家長指：因為小朋友唔舒服

帖文下有一位自稱是其中一位家長的網民指：「 我係其中一個小朋友嘅媽媽，我小朋友嗰日喊係因為佢唔舒服咳，我已經好努力settle佢，有3至4次都喺5分鐘內佢已經冷靜咗無喊，上機前食左會眼瞓嘅咳藥水，盡量氹佢瞓，希望將影響其他人嘅情況減到最低。 亦有拎晒電話零食出嚟畀佢」、「其實佢哋搭幾次飛機都上機瞓到落機無嘈，就係因為一次佢唔舒服+附近唔認識小朋友嘈就畀人擺咗上網」、「不過都想同嗰日影響到嘅人講聲唔好意思」等。

網民：唔識教仔就唔好帶出嚟

有人批評事主不應該將小朋友的樣子公開：「有冇需要將人哋個樣post埋出來呢？」但大部份網民都十分同情事主指：「我覺得樓主巳經非常有修養」、「小朋友應該寄艙」、「生仔要考牌…啲父母做咩唔出聲控制下自己啲細路」、「我上次凌晨機都係咁 ，個bb喊足全程 ，個老媽又唔理 ，老豆又失蹤」、「唔識教仔就唔好帶出嚟」、「呢啲家長以為自己包咗㗎飛機，好無家教」、「嚟緊復活節仲誇張」、「我諗如果我搭飛機遇到咁嘅情況，我會即刻發癲」等。