【單車屯馬綫】容海恩約黃偉綸「鍊車」

呢幾日風和日麗，最適合就係「大眾踩單車郊野上」，而已經開通的屯馬綫單車徑，相信係唔少單車發燒友的熱門新綫，新民黨立法會議員容海恩Eunice昨日就約埋發展局長黃偉綸、土木工程拓展署長劉俊傑、港協暨奧委會副會長霍啟剛一齊「鍊車」，測試呢條新單車徑，當然唔少得就係拍片放上Facebook啦。
Eunice話喺車友界收集咗意見後，相約黃偉綸局長一齊踩兩個輪實地測試，希望局長可以親力親為改善一啲問題，她亦趁機向局長建議，希望有單車地圖同埋app方便車友出行使用，也可用作本地遊之用。局長就話唔少都係好建議，會積極研究。

Eunice喺Facebook亦出文，寫咗屯馬綫單車徑十大「伏位」，當中包括「推單車多過踩單車」，她揶揄「單車徑」慘變「推車徑」；另外仲有「路牌消失 車手迷失」；「安全島太細 洗手間太少」；「交通燈太耐 單車都塞車」；佢仲提醒沿途彎急路窄，新手最緊要小心。

 

資料來源：AM730