向返夜更打工仔致敬 個膽細啲都嚇死
廣告
無電視嗰時呢就係日頭，做緊成龍嗰陣時，啊唔係，我返緊Call Centre嗰陣時呢就係夜晚。有一樣嘢我比人哋叻嘅就係我唔怕黑，但我都同其他人一樣我係怕鬼嘅。
文章授權：90後銀行小妹甩轆記
返夜班真係好*淆底，不過鬼叫我窮呀頂硬上！聽其他師兄講，返夜試過見到污糟嘢。我覺得應該係個人體質問題，而且Office燈火通明，邊有咁容易撞到！
點知，農曆七月流流，你都咪話唔信邪！有次我一出Toilet門口，就見到隻「攝青鬼」企喺我面前！真係嚇到腎上腺素急升，成身飆晒冷汗！即刻轉身走！
「Seafood……」
嘩頂～仲識嗌我名，仲唔係奪命鬼？！
「喂，咪走住！啊頭叫我嚟搵你！」
咦，把聲咁似坐我隔離個C9同事嘅？！
我鼓起勇氣轉番身，認真一望——DLS！！！你老味夜麻麻敷咩Mask，仲要係青色嘅！
師兄講得一啲都無錯！Call Centre返夜，真係好多污糟嘢！大家農曆七月萬事小心！
(以上分享來自Call Centre同事[過期海鮮]，由溫柔撰寫。)
