合約限員工一日最多去3次廁所 網民：坐監都唔會限去廁所啦 | 網民熱話

撰文：亨利｜圖片：電視截圖、奴工處截圖、unsplash

合約內的「不平等條約」

樓主分享自己見工的經驗，HR開出的工人和褔利都不差，但到最後關頭，樓主因為一條「不平等條約」而拒絕簽約！

HR提醒樓主，公司限制員工一天內不得去多過3次廁所，HR續補充指「放心，講係咁講，但正常都唔會執行」，但樓主感到「伏味濃」，所以最後決定放棄這個offer。

不少網民也認為這限制很刻薄，直指這不平等條約十分「變態」和「有病」。

亦有網民認為「寫條約嗰個應該係無腦！」、「痴左線呀個腦細」、「老細自暴其短通常依d垃圾公司都係等死」。

另外，有網民指「坐監都唔會限去廁所喇」。網民笑言「咁有冇限時先」，如果沒有限時，樓主可以「每次去2個鍾」。

有網民質疑HR「這種公司都唔會正常得去邊。如果唔執行，咁點解唔索性delete 咗佢？ 」。

亦有網民分享自己的經驗：

「我朋友間公司規定員工要嘟職員咭開門去洗手間，話說有日佢肚痾，一早去左好多次洗手間之後，返位做野就收到HR email關心佢身體狀況，因為系統顯示佢用左好多時間係洗手間」