去游水要小心 海毛蟲驚現香港泳灘 全身毒液勁危險
廣告
夏天又到啦，咁熱當然會去沙灘玩，浸下海水消下暑，諗起都開心。但日前喺連登討論區有位巴打喺沙灘就中招了，被海毛蟲咬到成身又紅又腫！原來海毛蟲於香港沙灘經常出沒，而且全身毒液，究竟海毛蟲有幾恐怖呢？立即睇睇！
撰文：Homan、Athena、Jack｜圖片&資料來源：連登討論區、尼加拉瓜｜整理：浩德
海毛蟲湧現泳灘 全身毒液勁危險
夏天去沙灘同陽光玩遊戲是常識吧，不過沙灘表面安全，其實暗藏殺機！
日前連登討論區尼加拉瓜巴打就出Post話喺沙灘中咗招，被不知名生物咬到又紅又腫！
呢位網友更將個人自拍照片放上網，可見身體及腳的部分都出現紅腫，非常嚴重！
唔少巴絲見到之後都大為震驚，表示不安。
海毛蟲到底係乜？
海毛蟲其實係仙蟲科生物，體長約5-10公分，體寬約2.5 – 3.5公分，背部有許多針刺狀剛毛覆蓋，捕食小型動物或死亡的動物碎片為主。
當海毛蟲受到干擾時，會捲曲成團狀，身上的剛毛含有毒液，會作為防禦武器，刺入前來打擾的動物體內。
香港泳灘經常出沒海毛蟲
經網友不斷推測後，元凶原來係海毛蟲！
海毛蟲於香港泳灘並不罕見，經常會被釣魚發燒友釣到，而有網友更表示曾經徒手觸摸海毛蟲，結果痛足幾日，更形容感覺好似「畀火燒」咁！
所以大家如果以後於沙灘見到「海毛蟲」真係要小心，避免有任何身體接觸！
YouTube頻道「香港街HONG KONG GUY」早前更拍攝了影片，聲稱於長洲泳灘捉到6條海毛蟲，體長約5-10公分，背部有許多針刺覆蓋！
接觸海毛蟲後 應第一時間…
海毛蟲的足部及背部滿布刺針及毒液，香港潛水總會發出的《休閒潛水安全手冊》中列明，若不幸被海毛蟲刺傷，其毒液會令人感到痕癢及紅腫。
建議大家應先將硬毛拔去，或以膠帶黏走細小的毛，然後再用3：1的家用阿摩尼亞清理傷口，或浸入酒精中。
