創業每月營業額3萬元 網民：小生意賺埋未必夠交租｜網民熱話

撰文：亨利 | 圖片：電視截圖、unsplash

樓主：

「我自己搞D小生意， 營業額先得3幾萬蚊，真係想死 」

樓主續指，上月到25號為止公司只有3萬元的營業額，這數目是未減去成本的……

所以樓主十分羨慕月入5至6萬元的打工仔！

「我覺得自己好失敗，就來40，前路茫茫」

有網民認為「全都給舖租了吧……有剩也不多…..」、「price.com 加 taobao…. 做小生意真係好難生存……」、「做小型零售比淘寶頂死」。

亦有網民問樓主「賺咁少，點生活」，樓主回應指「咬緊老本」！

有網民鼓勵樓主「無所謂既，好多人第一次做生意都撞板。撞過板，搞第二、三次既時侯就知道點做。D錢當交學費」、「如果你想做落去，咁你要諗下求變」。

創業難 守業更難

亦有網民認為樓主不適合經營生意，「有冇諗過出番嚟打工？」、「樓主，要搵份工做，摺佐算啦」、「打工會不會穩定d?」。

「每個人的個性決定一切，樓主佢覺得攪生意適合過打工，結果發現當然不是，我都覺得我適合做富豪的，老闆不易做的，生意更不容易」

有網民覺得做生意絕非易事，「做小生意賺埋未必夠交租，香港業主出名吸血鬼」！

「每個人的能力，眼光，勇氣，際遇都不同。中國有好多人搞網購，只得馬雲和京東成功 ，其他的可能做了乞衣」

「今時今日打工同自己創業都無咩所謂，打工隨時都被人炒或者公司生意不景」