公司權鬥 做到抑鬱 想炒老細魷魚 網民：做一份令自己開心嘅工 | 網民熱話

撰文：亨利｜圖片：unsplash、電視截圖

樓主指現職公司問題如下：

1）勁多人耍手段，踩住人條屍上，連新同事都好勢利。我呢個年齡唔會天真到諗住同同事交心，但搵一個人稍為簡單吐下苦水呻下都冇，lunch坐埋都唔知講咩。有時諗住製造下話題輕微呻少少但轉頭俾人擺上台。
2）上司係門口狗。唔太夾但未算關係太差（主要因為我忍緊佢）。
3）年年唔加人工，而且成日改制度刻扣唯一的1個月bonus。
4）聽聞升職只加8-10％人工。
5）唔係sales但勁多數要跑。
6）公司system 勁混亂。而且制度常變。
7）好多資深同事和經理級都做做下唔做，有些是頂唔順，有些是原因不明。

8）呢份工唔係我專長，做了一年叫應付到但唔覺自己有位置。
9）做到抑鬱手震。

樓主希望各位網民給自己一點意見，到底要不要找一份新工作呢？

相關文章：同事深夜「扮OT」自拍上傳公司群組 新上司：請檢討時間管理能力

網民支持力樓主「炒老細魷魚」，有網民就反問樓主，到底有甚麼原因令他/她想繼續做？「只係第9點就促使你要離開」

網民指，樓主能列出這麼多問題，當然「多多錢都唔做啦」，每間公司都可能有這些問題，只不過是多定少，看不到有值得樓主留戀的地方！

另外，有網民指出樓主唯一繼續的原因是恐懼，恐懼下一份工更差。

網民表示「你值得擁有最好」、「除非你有能力扭轉局面，否則做一份令自己開心繼續做嘅工作」。