兩餸飯倒閉潮！版主：「老闆選擇退場，代表只係過客？」（附搵食地圖）
廣告
香港兩餸飯在疫情期間風靡一時，全港十八區甚至連中環商業區亦不難發現兩餸店踪影！不過，在疫情復蘇時期，經濟逐步重上軌道，作為「經濟晴雨表」的兩餸飯竟然相繼執笠，情況令人關注！
兩餸飯發生過甚麼事？
近期兩餸飯熱潮有所降溫，亦有人認為同類店舖愈開愈密，情況開始飽和，導致個別飯店倒閉。
社交平台群組「香港兩餸飯關注組」版主Andrew發文談論兩餸飯倒閉潮：「我想問兩餸飯有咩奇特之處，就算做得幾差都唔會執笠？有老闆選擇退場，係唔係代表兩餸飯只係過客，無可能喺香港長期存在？」
食客點睇？
- 「我覺得除左材料加價難做之外，會唔會消費券下可能都有點影響，因為好多兩餸飯店鋪都唔裝八達通機。」
- 「我頭先去買飯俾阿仔食，成個Food Court啲選擇都無間可以菜肉均衡，原本想買日式牛肉飯，但最後都係去岱民買咗盒飯，菜心同薯仔雞球。」
- 「一來我覺得兩餸飯本身利潤低， 唔夠多人幫襯會頂唔到， 當然同味道有關。」
- 「天氣太熱食物真係差咗，呢方面兩餸飯真係爭啲，依家先至真正要睇間鋪實力既時候。」
- 「亦有一種係個位唔顯眼無生意無人報料。」
- 「有無試過做兩餸飯做到米有米之星呀！係無！」
- 「好多原因啦！疫情時乜都平大家惡性競爭，宜家食材貴租金貴人工仲貴。」
- 「煮垃圾當然執啦，消費者係聰明！」
另外，版主Andrew整合資料並得出結論是上班族才是兩餸飯的「米飯班主」。根據版主公開資料，資料目前全港兩餸飯地區最多選擇為：灣仔區、中西區及油尖旺區；至於兩餸飯「沙漠」三甲地區為南區、沙田區及大埔區。
圖片來源：FB@香港兩餸飯關注組
