今晚1億六合彩 7招提高中獎機會

相：何柏基、彭大偉攝

不過，想一下子發到豬頭，除咗靠運氣，都要有少少攻略嘅！

第一招：參考10大中頭獎投注站

每次史上最多累積金多寶，有市民會用電話或網上投注外，大多數人都選擇蜂擁至投注站落注，而開彩前嘅收工時段，好多時會出現人龍排隊投注！

「邊度中得多，就去邊度！」唔少人都會專登去最多人中頭獎嘅投注站痴下運氣，中環士丹利街就出哂名旺場喇。大家都可以參考馬會提供的10大中頭獎投注站數據。

第二招：參考10大中獎號碼

大家買心水「冧把」之外，都可以按攪珠結果統計，揀邊個號碼最常出現。以下10個是攪出次數最多的號碼 (04/07/2002至19/07/2016 (第16/081期)

號碼：10
號碼：9
號碼：49
號碼：22
號碼：6
號碼：48
號碼：30　
號碼：42
號碼：17

林炳南師傅教路

堪輿學家林炳南師傅都畀咗貼士大家，當然風水命理並非精密科學，大家自行決定參唔參考啦！

第三招： 最佳下注時間
只計2016年7月22日，林炳南師傅提出四個最好落注時段，都岩哂大家放飯、收工之後嘅時間投注！

中午11-1時
下午3-5時
下午5-7時
晚上7-9時

第四招：靚number有2、5，8
此日為大暑，亦為乙巳日，林師傅指是日屬木，財星係土，其中有2、5、8的號碼為最旺。

第五招：西南投注站最旺財
林師傅認為7月22日以西南位最旺，其次為東北、東南及西北。水為財，近海邊的投注站最佳，首選係大嶼山，不過如果認為要入到咁遠好麻煩，可以考慮去東南方嘅投注站，例如紅磡、將軍澳區亦係另一個好選擇。

林師傅補充，如果到投注站，可揀門口又細又窄或門外有工程進行的投注站，因為作為莊家，門細難入財；動工不利做生意，反之有利投注者中獎。另外，西南位係側位，建議落注時可揀單邊、角落的窗口位會更有利。

第六招：穿著黃、啡衫 戴玉器助催旺

由於是日屬木，財星係土，身上有黃色同啡色嘅衫或其他衣物都會幫手帶旺，另外佩戴玉器係身都有利運程。

第七招：屬蛇、雞、牛最啱投注

林師傅指，按生肖推算，屬蛇、雞、牛嘅投注人士最旺，如果自己唔係以上三個生肖，都可以孖住佢地一齊買！佢仲建議如果咁岩可以湊夠蛇、雞、牛的親朋戚友一同落注，中獎機會就更大了。

延伸閱讀：

【六合彩值博率最高的16個號碼】
http://www.edigest.hk/Vip/detail?id=1644