月薪無4萬點生存 網民：我淨係交租都兩萬
撰文：Smart ED編輯部｜圖片：unsplash、討論區截圖、電視截圖
搵得多 用得多？
有不少網民指，隨著年紀漸長、成家立室，即使收入增加，花錢的地方亦愈來愈多。
「月入愈高自然會有多D野要洗」、「越搵得多，越洗得多」
「由奢入儉難，同老婆加埋9萬零，年年去旅行追波鞋，一生仔即刻唔夠洗」
「啲搵萬幾兩萬個啲成日諗搵5,6萬啲人好夠洗，其實到佢地搵5,6萬咪一樣唔夠洗」
但另一方面，有人就認為是「豐儉由人」，可以隨收入調整生活質素。
「其實睇你點用姐，限米煮限飯既道理」、「豐儉由人，睇餸食飯，自己覺得夠用開心咪得囉」
網民：睇你有咩負擔
另外，有網民指，最重要是看個人有甚麼負擔。
例如是否單身、是否需要養家等等，所以最重要是看個人的負擔情況。
「你搵一萬同搵四萬都一樣有唔同嘅嘢要負擔」
「我搵6萬零蚊都好辛苦，有頭家要養，有朋友搵3萬過得好輕鬆，自己一個洗，其實睇你有咩負擔」
「其實最大忽錢係比家用姐，以前讀書返pt搵小過而家都仲可以大魚大肉個個月買波鞋，而家唔得了，所以都慳家過讀書果陣」
香港得生存無生活？
有人直指，問題不是收入多少，是香港的生活開支極高，所以在香港是沒有生活，只得生存。
「其實問題在於香港生活支出超高」
「香港無生活呢樣野，只有生存」、「係香港冇幾層樓係手都係奴隸，都唔知點生存」
「老實講，我覺得3萬起已經係生活到，以上只係生活質素既提升」
「要『生存』其實唔難，你搵萬幾都生存到，要「生活」就幾多萬都唔夠」
無奈變月光族？
由於香港的物價高，衣食住行等已經要花費不少。
單是供樓、租樓已經佔人工大半，加上家用等的支出，所以不少人每月都無奈變月光族。
「我淨係交租都交兩萬」
「一路生存落黎，自己四萬蚊收入同fg個時真係冇咩變化，係食好左」
「搵 85k，已經唔係餐餐大魚大肉，同自己唔係大洗，但每月得返3k-4k淨」
「fg搵13k個陣窮過鬼，兩年後過20k又係窮過鬼，條數計極都唔掂，放棄買樓，純粹生存就算」
延伸閱讀：咩工唔使點做 有2萬元人工 網民：其實要扮工先最慘
【熱話】返工為咗咩？我番工嘅目的好清晰，當然喺為咗錢，所以返喲無咩意義、又唔會太辛苦嘅工就最啱我！近日有網民提出「有咩工唔駛點做X下X下又一日，每月有2萬人工以上？」嘅題問，引起唔少網民嘅熱烈討論，你又同唔同意呢？
撰文：亨利 | 圖片：電視截圖
「有咩工唔駛點做，每月有2萬人工以上？」
比較多網民嘅答案喺「公務員」、「議員」，你心目中又有咩工喺唔使點做，又有2萬元人工呢？
亦有網民指，「其實要扮工先最慘，有野做先不用加班就最好」。
老實講返工有得Hea聽落幾正咁，但係要我返工得個坐字，要「扮工」Hea到放工都幾難下！
1. 議員/公務員
有不少網民就話做議員喺一個唔錯嘅選擇：
「識做梗係議員啦」
亦有網民話打政府工行行企企就一日，可能是樓主想要嘅答案。
加上公務員嘅人工同埋其他福利，生活質素有機會好過中產人士。
3.其他
除咗最多網民回答的「政府工」和「議員」外，網民也有提及其他行業，例如地盤工作。
