前TVB主播公審京都賞櫻旅客！猛力搖櫻花樹超缺德 曾出口勸阻後續令網民震怒

方健儀遊京都公審遊客缺德行為　為打卡猛力搖櫻花樹好離譜

方健儀在社交媒體直言在京都用餐期間，見到窗外有一班難以辨認國籍的男女，在河邊與櫻花合照，不過其行為令人髮指，她憶述：「竟猛力搖晃櫻花樹枝，花瓣如雪片般掉下，營造落櫻浪漫效果。呢班人冇收手，再搖、三搖、四搖、五搖，chok到樹枝都散，棵櫻花好慘好慘。」直至拍到滿意照片為止才收手：「難怪很多人說櫻花花期短，就以那棵櫻花為例，大概一半是給遊客親手殺掉。」

而短短28秒的影片中，已經見到2個女人不斷搖櫻花樹，其中藍色衣服一位，手法相當狼死，使出無影手辣手摧花，相當可怕，亦令方健儀嘆息表示世上最可怕的是動物，必定是人類！

曾經遇到相似情況出口勸阻 結果⋯⋯

在疫情期間，大家都難以出外旅行，當時她與這次一樣，與丈夫與元朗大棠影紅葉打卡，期間見到有人摘紅葉，當時她同樣有在社交平台上勸阻這些缺德行為，結果遭部分網民反擊：「摘樹葉都係一兩片，包容下啦」、「葉盛堪摘直須摘，莫待無葉玩腳毛」。

雖然如此，她相信這可怕群體中仍然有善類，因此自己會做好本分：「我會繼續選擇做正確及善良的事，希望大家都擁抱上天給我們的美景，別走向歪道，也別合理化歪道。」

網民反應一面倒：真係好肉酸

事情引起不少網民討論：「借剛過去的金像獎電影《白日之下》全叔的一句對白：『唔好為做啱一件事而內疚，識揀嘅人唔多，揀啱嘅人亦好少』。」、「疫情時係香港行山，都見過有阿爸阿媽帶住年幼仔女行條難度唔高既路線，梗硬折斷啲幼樹枝，當做行山棍……其實只要半吋以上既枝已好難折斷，佢哋一路一路逐棵搖。」、「摘一兩片啫……做前用腦袋諗吓、諗遠啲、諗吓若果你係棵樹？」、「唔好以為一定係某國人，佢地都有份，但仲有香港、台灣、韓國同埋東南亞某些人（分辨唔到）都有做過」、「我舊年喺新宿御苑度見到一班香港後生仔女咁做，我大聲喝佢哋，再咁我就報警，日本會行政拘留！跟住佢哋嘴藐藐唔敢再搖！」、「應該學新加坡重罰，呢啲人自然會乖。」