網民怨中產自私「寧願退稅唔要消費券」遭群起反駁：你估交幾萬蚊稅好過癮？

薪俸稅退稅100%

陳茂波於預算案演辭中公佈一系列稅收安排，當中包括：薪俸稅退稅100%、上限為6000元，預期190萬名納稅人受惠。

至於子女免稅額及子女出生課稅年度的額外免稅額則增至13萬元，估計將惠及32.4萬名納稅人。

值得留意，印花稅方面，陳茂波表示，目前的各項住宅物業需求管理措施（即所謂「辣招」）維持不變。

網民：中產只顧退稅好自私

不少中產家庭對於「財爺」宣佈再派消費券，但薪俸稅退稅上限只有6,000元的安排有所意見，認為「派糖」力度較以往縮水。中產對退稅的期望，更惹來基層網民不滿，直指「中產成日話要退稅，唔好派錢好自私」。

有網民於網上討論區留言，提出3個原因反對中產只著眼於退稅金額，而非惠及大眾的消費券。

網民認為，政府角色是負責「財富再分配」，假如納稅人交稅多，就要多退稅，但基層市民完全不能受惠，政府便會失去財富分配的重要功能，反問：「點解仲要交稅去養政府做中間人？」

又指，所有香港人的生活都受政府政策影響，假如政策向某個階層傾斜，將會導致低下階層無法向上流動，更可能令物價飆升，最終每個人都受害。

網民：「點解唔可以用派消費券，甚至派錢呢個方式賠償畀每一個有份受害嘅香港人，還富於民？」

網民又提到，不少剛好超出資產上限的市民無法享受社會福利，認為只有派錢才可以惠及這個階層：「你哋依家又唔係冇份拎消費券，純粹只係想自己拎盡著數而睇住生活比自己差嘅人乜都冇。」

又指香港中產行為相當離地、自私：「自己交嗰幾個錢稅就當正自己大爺咁！」、「薪俸稅佔香港政府收入兩成都冇，但就想獨佔全部社會資源。」

中產點睇？

• 「派5000蚊叫向上流動真係好好笑。」
• 「退稅／消費券二揀一就最好！」
• 「不嬲話冇問題，問題係退稅係還富畀有工作貢獻嘅人，派錢係派埋比老綜新移民。」
• 「政府角色係財富分配？」
• 「消費券只係賠償、補償。」
• 「最慘最夾心嘅階層係又上流唔到做中產，又冇資格拎公屋綜援呢啲社會福利嘅人。」
• 「個社會中產無份嘅？收多啲稅有咩好嘈，政府唔夠錢咪自然係多錢嘅人埋單。」
• 「夾心階層都唔會想派錢啦，你估交幾萬蚊稅然後比返幾千蚊消費券你好過癮？」
• 「我真係未聽過有份交稅嘅夾心階層會想派錢，而唔係想退稅。」

延伸閱讀：青衣驚險成交 代理「不眠不休」簽約途暈低嚇親買家：買支可樂頂硬上！

延伸閱讀：財爺向馬會「開刀」強徵額外足球博彩稅 球迷突玻盲腸：最後轉嫁畀基層！