【網民熱話】中大生月入2萬 呻住公屋 怨父母不思進取 網民：身在福中不知福

撰文：浩德  ｜ 圖片：unsplash、討論區截圖｜資料來源：CUHK Secrets專頁、香港討論區

中大公屋仔申訴世界不公

這名中大公屋仔於facebook專頁「CUHK Secrets」中發文，大呻自身經歷，即時掀起中大校友及網民熱烈討論。

樓主甫開始便向世界申訴不公「為人生努力打拼，最終會輸俾命運？」他自稱公屋出身，日讀夜讀，很辛苦才考入中大。

四年大學生活均埋首趕做assignment，幾乎每天都凌晨兩、三點才能睡覺，令自己「year 1個樣似18歲，畢業果陣捱到似38歲」

供樓生活會更苦

樓主指自己雖然畢業後人工有20K，但眼見有錢的中學同學可以去外國讀書，又日日吃喝玩樂，返到香港容光煥發，

「最重要係佢地（哋）唔洗（使）俾家用、仲有靚屋住、揸靚車，唔洗（使）煩結婚買樓」

回望自己「頭20幾年都過得好苦，如果要草（儲）到首期買樓，將來供樓我生活會更苦。」

怨父母不思進取

最令樓主感到不滿的，是他與父母同住的40年樓齡舊式公屋，「入到屋企，房都冇間，再望住老豆老母呼呼大睡，一係就賭馬玩電腦，教我腳踏實地唔好咁大想頭，有啲不思進取嘅上一代，有時真係好憎佢地咁樣，唔怪得佢地會住公屋啦。」

他抱怨世界好唔公平，「努力左咁多年，我都會攰架……」

各有前因莫羨人

此帖一出，即引來中大校友及網民熱烈討論。

有網民表示感同身受，指自己「曾經都好似樓主咁諗過，但後來我覺得呢個係我自己既（嘅）人生，同其他人所謂完美既（嘅）人生根本冇關係」

也有網民安慰樓主，即使窮一生精力，都冇可能達到人哋嘅起跑線，何不專注自己嘅跑道，因為「各有前因莫羨人」。

網民：人生就是不公平

至於大部分網民的看法，均是不值樓主所言，認為樓主抱怨世界不公，埋怨父母是不要得行為，是身在福中不知福

有網民直指「做你老豆真係慘，辛苦養大個衰仔幾十年，休息訓下覺賭下馬仔都俾個衰仔上網唱。唔係你老豆老母，公屋都無得住呀」

也有網民說：「人有高矮肥廋（瘦），天生就是唔公平。但世界求嘅係公正，你有本事，做律師醫生，冇人阻你。唔好賴世界啦。」

比上不足、比下有餘

事實上，樓主畢業後月入2萬已經很不錯，是「比上不足、比下有餘」，而且樓主也不應遷怒於父母。

父母既是基層出身，但也已供養他到大學畢業已經是「超顛完成」，作為兒子的他不應只顧比較，而是該感恩。

有網民更抵死地說：「我慶幸老豆生得我咁靚仔，就夠了」

的確，世界上還有很多人吃不飽、穿不暖，而樓主四肢健全、身體健康，有屋住、有工作，已比世界上很多人都幸福。

怨天怨地毫無用處，若硬要比較世界是否公平的話，應該再宏觀一點！