​中秋物資升呢新玩法

月餅新食法

​​​10月萬聖節就黎到，通常都會約埋班朋友整色整水，整蠱同嚇下朋友咁。網上流傳好多食譜，小編就覺得好啱萬聖節黎試驗友情！炒月餅、炸月餅、涼絆月餅任君選擇，做法好簡單，不妨參考下！

炒月餅：將有火腿、臘肉等為餡料既月餅切成長條形，加入薑絲香炒，再用蔥花調料。
炸月餅：將豆沙、蓮蓉等餡料既月餅切粒放係油鍋裡炸至金黃。
涼拌月餅：將月餅切粒或切片，加榨菜絲、蔥花、辣椒、香油等拌勻即可。
蓮蓉西米布丁：煮成西米糊後加入蓮蓉，再焗至金黃。

雖然方法係騎呢左啲，但勝在夠應節，記得煮完一定要罰人食哂佢，如果唔係又做左大哂鬼！

月餅盒新擺法

月餅盒對一家人黎講都相當搶手，因為對全家都非常有用！不過唔好搶住用，如果唔係就傷感情啦！

呀仔：只要買到零件就可以自己砌到部街機，真係慳返唔少架！
呀女：買買埋埋好多耳環、手鏈、髮夾，唔想唔見就整個首飾盒啦！某日本簡約設計品牌既收納盒都相當貴，又可以慳返筆！
呀媽：新年可以當年盒用，月餅盒通常又金又銀好意頭！
呀爸：男人通常都好豪氣一堆散紙，整個散紙箱又唔洗驚唔見，又可以同呀爸搲下錢！

蠟燭新用法

蠟燭用途多多，尤其係情人節、聖誕節可以做燭光晚餐，可以氹下男/女朋友，抵啦！而且停電話唔定要拎黎救命架！

燈籠新整法

萬聖節玩開南瓜燈籠，如果中秋節玩完有剩唔洗專登去買，將紙燈籠剪成妖怪既款，再上色就得啦！聖誕節又可以拎啲燈籠黎裝飾下，循環再用！