「啟德零售館」將於2024年下旬落成：全港最大運動體驗及購物遊樂新地標！

「啟德零售館」佔超過70萬呎 700米體育大道貫穿啟德體育園區！

啟德體育園佔地28公頃，除咗為唔同嘅國際體育賽事同文娛活動提供世界級場館外，仲配備不同嘅休閒遊樂體驗設施，等香港人可以喺繁忙嘅生活中抖一抖氣、差一差電！

其中，由新世界發展旗下K11集團負責租務代理及營運，座落於園區內嘅「啟德零售館」將會係香港人2024年必去嘅地標性購物中心。超過70萬呎嘅「啟德零售館」共有三座主建築，每座最多有五層，雲集超過200家零售同餐飲店舖，可以講係全港首個最齊全、集最多獨家運動購物同遊樂體驗於一身嘅九龍東新地標。

「啟德零售館」座落於可以容納五萬個座位、配備開合式上蓋同靈活草坪系統嘅啟德體育園主場館隔離，由700米體育大道連接貫通，步行就可以直達共三萬二千呎嘅維港畔特色美食海灣，食、買、玩一個地方滿足晒！

一站式嶄新運動購物、遊樂新體驗！

鍾意運動、玩遊戲嘅朋友仔留意啦！「啟德零售館」內有三分一嘅零售商都同運動、遊樂體驗有關，無論係買運動用嘅衫褲鞋襪、工具配件，或想享受嶄新又豐富嘅運動體驗都無問題。

館內有好多知名運動品牌嘅概念店，例如adidas運動體驗概念店將透過創新科技打造運動生活美學，向大眾展現運動狂熱；Decathlon運動體驗概念店就會展示領先創新嘅運動技術同運動生活概念；而National Geographic apparel 嘅全新概念店則會帶嚟由日常生活至野外探險的穿搭體驗。

鍾意玩玩小遊戲、掟下彩虹、夾下公仔嘅話，就可以去日本嘅遊戲機中心NAMCO啦！NAMCO將會進駐啟德，為大家帶嚟安心、安全嘅遊樂空間同遊戲體驗㗎。

70間美食餐廳、三萬二千呎維港畔特色美食海灣！

咁多街行又咁多Game玩，相信消耗咗大家唔少能量，當然需要食啲好嘢補充下體力啦！「啟德零售館」將會有超過70間美食餐廳，提供中、日、韓、東南亞同歐美等多國美食，無論當日心情想食乜都會搵到適合嘅餐廳。

「啟德零售館」引入咗唔少本地特色餐飲，例如本地朝啡夕酒café「山旮旯」、本地手工烘焙麵包店「品穀」、主打招牌梳乎厘厚班戟嘅新派多國菜「the Pantry」。而「Greyhound Café」、「王家沙。花樣年華」、新加坡菜「咖吔」同日式料理「Nami Izakaya 浪。居酒屋」等等著名餐廳亦即將進駐「啟德零售館」，為大家帶來各式各樣嘅美食。

館內餐廳唔止選擇多，質量都好高㗎。館內有米芝蓮推介餐廳同多間人氣餐廳嘅九龍首店，包括連續十年榮獲米芝蓮推介嘅拉麵「麵鮮醬油房周月」九龍首店、全新日本天婦羅丼品牌「魚天」 、戶外寵物餐廳、全天候運動酒吧及近二萬呎嘅美食廣場等等。

（Presented by K11）