20蚊兩個大飯 你夠唔夠膽日日食？
廣告
今時今日嘅香港百物騰貴，買餸煮飯都唔平，車費又只加冇減，人工更加追唔上通脹，升斗市民仲可以點用20蚊去餐廳餵飽自己「五臟廟」？
當小編揸住張廿蚊紙，行一轉大街小巷，發現無論係茶記、「大」字連鎖快餐店都好難搵到一個正常餐係可以用20蚊埋單。
噚晚小編係屋企咁啱聽到電視機傳來一句廣告Promo「20蚊兩個招牌大飯」…….心諗：20蚊兩個大飯？邊間餐廳咁「筍」益街坊？
原來係美式快餐店肯德基（KFC），佢地依家推出優惠活動叫「為食一至四，優惠脆到盡」，逢星期一至四都有唔同優惠，其中逢星期二就有$20兩個大飯，可以揀雞皇飯同辣汁蘑菇飯，食完堅飽肚啦！只可惜，一個星期只得一日食到，撞正公眾假期就冇架喇！
優惠詳情：
【星期一：10蚊「5揀2」】
【星期二：$20兩個大飯】
【星期三：指定套餐加$3配燒雞下脾】
【星期四：指定套餐加$4配家鄉雞下脾】
不過望真啲，逢星期三、四的「優惠」唔太抵，要人買左個餐先加少少錢送多隻雞脾，咁樣已經out of budget啦!!
其實如果唔睇套餐，都可以留意吓KFC嘅對家M記，散叫野食都食得飽架！
【10蚊之選】
魚柳belle、豬柳強、麥香雞包
【5蚊之選】
細薯條、細汽水
揀個包，一個細薯條，叫多杯細汽水，啱啱好湊夠20蚊!!咁就多左個選擇喇，不過如果有人唔想食快餐，覺得唔健康的話，咁唯有食麵包就算啦！
