20歲30歲都唔會嫌命長 8個長壽方法
廣告
20歲30歲都唔會嫌命長啦，即睇8個長壽方法。20歲30歲都唔會嫌命長啦，即睇8個長壽方法。
每日都有好多廣告見大家買呢樣嗰樣，為嘅都係可以令大家keep得好啲，唔使老得咁快。其實想保持年輕，都唔一定要買好多產品，有唔少方法嘅。以下小編就總結咗８個方法，可以keep 住young, 仲可以長壽添！
20歲30歲都要學
1/ 唱歌
有美國老年學研究中心調查，發現原來歌唱家嘅心臟功能同普通人比較係更活躍！所以唱得多歌可能真係可以令你身體好啲！
２/ 跑步
之前《紐約時報》報道過，每日跑步嘅人平均比冇跑步習慣嘅人長命3年。如果想長命啲就快啲開始跑下步，唔好偷懶。
３/ 唔好坐咁耐
對一班日日坐嘅打工仔嚟講，坐得耐係好難避免。早前《英國醫學雜誌》發表嘅研究顯示，如果你每天坐喺到3個鐘以上，
就會短命2年。所以返工唔好坐咁耐啦，有時間就起身行下！
４/ 瞓得好
美國芝加哥大學研究發現，瞓得唔好，會增加患癌風險。如果想長命啲，最好都係早啲瞓個靚覺。
５/ 攝取少啲卡路里
瑞典歌德堡大學有研究指出，吸少卡路里不至可以延緩衰老，仲可以防止好多慢性病，例如糖尿病、癌症等。少啲病，自自然然就長命啲啦！
６/ 多食吃綠色菜
有好多研究證實，綠菜含有大量胡蘿蔔素同葉黃素，食多啲綠葉菜可以防止骨質疏鬆症。啲骨好啲，路多行多幾步！
７/ 唔好食咁多糖
《美國醫學會內科醫學》期刊入面提過，食得愈多糖，人死於心血管疾病的風險就明顯增加。真係架，食得太多糖真係會加快衰老，都係少食為妙。
８/ 日日有靚心心情
英國愛丁堡大學有研究人員做過研究，曾經分析過7萬人嘅健康資料，發現輕度憂慮者死於心臟病同中風嘅風險比普通人高29%。所以大家都係唔好諗太多，反正開心又一日唔開心又一日。
