超實用：善用共享資源群組 免費車、傢俬任搭任扲

其實坊間有不少共享資源概念，除了網站及應用程式之外，在Facebook群組亦有不少。除左一般的二手物品交易外，還有順風車、剩餘食物、免費二手傢俬等。

以下是一些小編特別搜尋的共享資源Facebook群組，識得善用，平日可以慳唔少。

交通

理念：搭順風車，車主可以接埋同道人一齊搭，可以善用資源。另外，如果要搭的士，亦可睇下有冇順路人，一齊搭平好多！擁有單車的人，單車唔用時，亦可以出租，好過齋擺！

1.順風車 Hong Kong Hitchhiking
http://www.facebook.com/groups/HongKongHitchhiking/

優點: 可以免費到達目的地，慳返唔少時間同車費。呢個群組營運了一段日子，比較有系統，而且亦有唔少成功例子，配對成功機會率較大。
缺點: 要成功夾到時間同地點先成事，要耐心等下配對者出現。

2.友情駕 FDCar
http://www.facebook.com/FDCar.net/
優點: 呢個群組比較新，不過就好清晰表示可以分擔油費同路費，對「長期需求」既同道人好啱用。
缺點: 由於比較新，冇乜人留言，但訊息清晰，如果整理供求表，相信可以吸引更多人。

3.叭叭單車 BaBaBike
http://www.facebook.com/bababikenet/

優點: 有單車者，唔用單車時可以出租畀人賺外快；沒有單車者，亦可向車主租單車，唔洗搵地方收起架車，又唔洗嘥錢買車，一舉兩得。
缺點: 由於概念比較新，洗唔洗收按金、車租等等都未有規例，可能要同車主慢慢商量。

雜物

理念：將屋企自己唔再用既野送俾需要既人，唔好掉左係堆填區咁浪費！反正係屋企都係放埋一二邊，有人善用更加符合經濟原則！

1.環保愛心FREE
http://www.facebook.com/groups/Happyfreelove/
優點: 送方可以清理家中雜物，收方又可以免費得到心頭好，一舉兩得！

缺點: 小編見到唔少物品都好搶手，好多時都要抽籤，未必一定得到！而且好多時候都要銀行過數俾郵費，有啲麻煩，介意既就要留意啦！

2.OYIF
http://www.facebook.com/groups/OYIF2/
優點: OYIF正解係Oh Yes It’s Free，一樣係送物，而且會員差唔多有3萬人，配對成功率都高！
缺點: 群組唔係公開，要得批准先入到，可能要等一兩日先可以參與。

食物

理念：幾家人唔再食或者買得太多既食物送出，唔做大嘥鬼！

食物放提 Free Food Flow
http://www.facebook.com/groups/3FoodFlow/

優點: 送方唔洗浪費食物，收方可以得到想食既野，大家都開心。
缺點: 小編見到有啲食品過左期，物主會標明過期日子同列明後果自負，要留意。

傢俬

理念：屋企搬屋或換新傢俬時可以將舊物送俾人！

Oh Yes It’s Free 無人駕駛自助傢俬徵送
http://www.facebook.com/groups/OYIFurniture/
優點: 小編見好多二手傢俬都好新淨，收方又有啱用傢俬，堆填區少件垃圾，好環保！
缺點: 收方要自取傢俬，尤其係地點要就返送方，如果傢俬太大件就唔可以運送得太遠。

結婚用品

理念：好多結婚用品用一次之後，呢世都唔會再用，好似花球、婚紗，好多都好新，平賣出去可以慳位，又有新人用得著！

婚後二手物資交易站
http://www.facebook.com/groups/1391041081109994/
優點: 群組中唔少婚紗、嫁喜用品都好新淨，有清洗過，而且係友情價賣出，好抵。例如姊妹裙70元兩條。小編見入面好多婚紗都好新、好靚，影婚紗相一流。
缺點: 尺寸及數量冇得揀，好似送方只有兩條紫色姊妹裙，可能要再搵多幾條襯返。

書籍
理念：想多啲人分享好書，唔洗只係幫襯大型書商。

香港二手書籍交易區(正)
http://www.facebook.com/groups/1452285381658326/
優點: 小學同中學生教課書用一年就唔要，屋企邊擺到咁多，送俾人或賣左去就岩！仲有好多小說賣，好多人係入面尋寶架！
缺點: 完美主義者如果介意本書舊或者入面寫左野，就未必適合。

BB物品
理念：養大一個小朋友要400萬元，所以由細開始慳。

HK BB 二手賣買(送/換/賣)
http://www.facebook.com/groups/738904346174442/
優點: BB大得好快，好多時衫仔著冇一個月就唔岩身，掉左佢又浪費，可以平賣或者轉贈俾人！

缺點: 如果係俾BB用，就要洗得好乾淨，確保消毒無菌，介意既就要買全新，用得安心。