男人最緊要有好老婆 護士空姐銀行職員娶得過？
女朋友係空姐篇
文章授權：電視汁撈飯
「或者人生就好似衝上雲霄，當Sam哥同Zoe經過重重困難，最後有情人終成眷屬，你諗住大家都會開開心心生活落去。但你估唔到，佢會有第二集，而Zoe一開波仲瓜埋。
將會面對無盡挑戰
由你初初做空姐開始，我已經明白我地既關係，將會面對無盡挑戰，由出ticket等waiting既煎熬，到時差為我地帶來既阻隔，過去數年看似眾多難題我們也成功一一克服。當我以為頭一兩年乜
都捱過左，依家先發現，原來比賽先岩岩開始，我地都未對最勁個大佬－成長。而呢份工面對既，將會係更多更煩既大佬。
首先，每次有人問起知道你又飛左，諗住除左同我講恭喜之外都唔知講咩好，可以自由自在咁花天酒地，由初時我也享受這份無拘無束，一兩年後真真正正感受到你有你既生活，我有我既忙
碌，就算大家都無關節痛，但連一個星期六的約會，也要等到三星期後才能成功，每份失落原來也在累積。
唔見你女朋友既？
不過我們也長大了，家人也徐徐變老，自然想有更多時間陪伴屋企，眼見你連自己家人亦要取捨，留家團年還是過新年也只能二擇其一，我只好把希望你見下我屋企人既願望長埋心中，每次那
些八婆二嬸問：唔見你女朋友既？我也只能像特首一樣，給與公式的回答。
如果警察最重要係枝槍，我深信空姐最緊要就係個更表。每次看到你收到那個格仔表的激動，立刻send過來的開心分享，然後24小時不斷埋頭苦幹地swap，以前不明所以，現在它也成為了我的
行事暦，余春嬌會因為張志明變得幼稚，那空姐的另一半就會因為咁記得果堆3個一組既英文字母和數字。
每次約朋友、安排活動，也希望放在你工作的日子，希望預留時間在你回港時見面。奈何身為返一至五既奴隸獸，放工已經疲憊不勘，你亦可能因為long haul回來要補眠，閒日約到出黎既時間
其實唔多，更甚者是十個周末七個你也「但要走、總要飛」，這種奇異的long D，比大眾想起來更難維繫。
長期下來折騰累人
可能有人會話好多工都返shift既姐！有心點會約唔到！但當你一連數天分隔異地，然後她終於回來你卻要OT，到你空閒時她又約了中同十周年聚會，那份無奈，長期下來卻是折騰累人。
再者，成長讓我們也要考慮「將來」。
其實頻繁的旅途己龍經是你辛勤的證據，可惜薪金卻由當初的尚算不俗慢慢變成跑輸大市。
縱然曾經閃過叫你『不如諗下轉工』的念頭，但只要看到你在outport耀眼的傻笑，我就更很肯定雖然每次你也在大叫如何不想返工，但心底裏你還是喜愛這份工作，即使自己做不到或者根本沒
有想做的事，也希望你能夠堅持自己所愛，更為著十秒前自私的自己而愧疚。
只是想到要你涼薄的公司大幅加薪或到你升職也許是真普選後的事，身為男人，就更為著自己的無能而無助，掃著你返工旅行的相，每次也在想如果是我倆結伴同遊一定又會是一段難忘回憶，
但我卻只能繼續安坐家中與方東昇和兩個可愛妹妹世界零距離。
對陰影視而不見
最後，還是面對各方的好奇和關心，也許是出於好意，或是純粹八掛，大家也對我倆的關係深感興趣。初初一兩年都可以用體驗下甚至玩黎回應，但到三四年，大家也會投放懷疑的眼神。
到了咁上下年紀大家也愛問「佢轉返出去未呀？」「幾時結婚呀？」，一個又一個前路問題好比當年簽署中英聯合聲明前的擔憂，成為沉重的打擊。然而，世界總是著眼在你發出耀眼光芒的地
方，卻對陰影視而不見，外人總是難而明瞭你工作的兩難，和我比力威更掙扎的掙扎。
或許如同每次聽著別人的感情煩惱，也會認為只是小事一樁，但正因為感情從來也是如斯細膩，就更會因為細微的動作、少許的感受造成巨大的影響。而當這些影響由一年半載累積到三四五
年，加上面對生涯規劃的壓力，真正的考驗現在才開始。
每次有人問我係咪有平機票，話咁咪好正，我都帶著一份茫然，腦海瞬間空洞，只能繼續回答，「都係既」
過左幾年先發覺，原來做空姐另一半，真係唔易…」
問左朋友一句，佢就一野爆左半個鐘，喺沉默良久之後，我終於搵到位問
上天安排夠鐘意
「咁你有無諗過同佢傾下，或者叫佢唔好做？」
好朋友拿著手中的Corona，仰天長望。
「有」「但我想佢繼續做自己想做既野」
「但你講到好難維繫咁喎..」
「咁我鐘意佢，大哂架麻」
無錯，除左上天安排，夠鐘意，都係大哂既。
女朋友係護士篇
人哋話娶個做銀行嘅女仔係理想，計我話如果娶到個護士做老婆或者嫁到個男護士就更加係所有人嘅終極夢想！
1. 人工高可以幫輕家庭負擔
呢樣當然唔洗講，睇返公立醫院護士起薪點水平都過25K，絕對是高薪一族，仲未計成日超時補水添！兩公婆有多啲閒錢過好啲嘅家庭生活，甚至買車仔或者成功上車！
2. 鐵飯碗
嚟緊人口老化問題持續，人口政策表現又麻麻，相信醫療服務需求仍然只升不跌，因此身為專業嘅醫護人員，絕對唔洗怕無工開，可以敵過任何經濟大風浪。
3. 無時間大洗
醫生要on call 36，你估護士唔洗咩？小編當然唔係覺得超時工作係好事，不過咁，工時長變相你都無乜時間洗錢，想唔慳家都唔得啦。相信對於醫護嚟講，需求最大就係張舒適嘅床，而床呢啲
又係長線投資，唔洗成日換，相信都洗唔到咩錢。
4. 唔驚佢識咗第二個
同上，工時長壓力大，同人傾句偈嘅時間都無，仲邊度得閒同第二個培養感情？唔係話做親護士都係專一好寶寶，但係佢哋真係唔多得閒同你玩花心……
5. 抗壓力高
日日返工都如上戰場，每一個task都爭分奪秒，仲成日要解決埋病人家屬嘅迷思同怒火，加上生老病死都經歷過哂，仲有咩難到一個護士？除非你話個護士日日返工都hea do又卸膊嘅啫！但喺
咁大壓力嘅環境下，相信要搵到個hea嘅護士真係難過大海撈針，你咁都撞中就…… 認命啦。
6. 有咩緊急事故都識得冷靜處理
緊急事故當然係講有關醫療方面架啦！唔通護士們返工咁辛苦你仲要佢哋有埋水電裝修通渠等專業技能咩！好明顯，呢樣嘢當然唔難解釋，護士嘅專業就係急救，有個護士做你嘅人生伴侶，你
可以安心畀佢照顧你嘅傷患處，因為一定係最妥當再加多一倍嘅貼心嘅：）Kind of sweet, you know. (JM tone)
如果你搵到個護士老婆，唔好因為佢人工高可以幫輕頭家就鬆懈，反而要記得發憤圖強，因為喺佢有咗BB嘅時候，可以即刻劈炮唔撈，好好休養生息而唔洗陀住BB受啲病人同家屬嘅氣同壓力
呀：）
BTW，嫁個護士做老公都一樣可享有以上福利，相信護士老公仲零舍MAN添！！！
女朋友係銀行職員篇
文章授權：
90後銀行小妹甩轆記
1. 見慣世面
每日打開門做生意，咩有錢人傻人名人未見過？分分鐘仲試過比人打劫！見慣大場面，大茶飯未必食過，但絕對handle到大風浪，帶出去都唔慌失禮你。
2. 盡享銀行福利
銀行女職員薪未必高，糧應該準，至少亦可以幫補下家計——小至新年唱到新銀紙、屋企永遠有一堆利是封，大至享受銀行按揭優惠。按揭利率係就係得一厘，同街外比唔著數得幾多，但如果
生活喺加息嘅年代，講緊廿幾厘嗰啲，都咪話唔吸引。
3. 理財有道
識得幫人理財，自己唔會差得去邊。如果你唔認同 ，Ok，但至少，唔洗擔心佢走入分行會被人氹/夾買咗啲唔知咩返屋企，相信會嘔少好多血。唔洗為佢日夜擔驚受怕，人都長壽啲。
4. 精打細算
有咩著數優惠，產品分析比較，短短幾分鐘就諗到，唔係講笑，每日要應對千奇百怪問題，個腦隨時轉得快過部電腦！你話，咁醒目，樣樣計過度過，點會唔持家有道？
5. EQ極高
做得耐，已經練就一套「皮笑肉不笑」功夫，就算幾憎個客，都要死忍爛忍，保持良好態度，真係少啲EQ都唔掂。有個咁嘅另一半，唔單止交都嘈少啲，忍足你一世都得！
6. 識得氹人
Sell客靠把嘴，講嘢一定掂。仲有，有名你叫「Relationship Manager」，你估浪得虛名㗎！所以，絕對有能力同你屋企人保持良好關係，起碼表面上係！所謂「家和萬事興」，一個家和唔和，
就要睇老婆！
7. 抗壓力極高
每日閒閒地早午晚比老闆捽幾十次數，仲未死得，都咪話生命力唔強，分分鐘強過小強！咁代表咩？易養囉！就算第時touch wood屋企有咩變故，佢一樣承受到壓力，你癲佢都未癲，都咪話唔
堅！
8. 一定係靚女 =p
明白嘅，男人娶妻求咩？最重要…外表一定係上品！啲人成日話銀行女職員靠美色呃客，唔靚都唔會有咁嘅謠傳啦！你話空姐靚定銀行女職員靚？肯肯定係後者，因為我身邊大把人有空姐唔
做，走去做銀行。仲有，你幾時有見過唔靚嘅銀行女職員？你講啊！夠膽就留言！
延伸閱讀：
打工仔生存點都要識 6個簡單高效e-mail 技巧
