港鐵又加價 出街前必睇港鐵優惠
港鐵大約喺一個月前開記者會宣布會加價
壞消息行先，係，港鐵又加價：
港鐵宣布聽日(6月26日)起加價，約80%車程加HK$0.3，整體加幅為 2.65%！以下係加幅較大的其中 5 段車程：
尖東至南昌：$3 加至 $3.5 （加幅達 16.7%）
馬鞍山至太子：$9.5 加至 $9.8（加幅 3.2%）
將軍澳至九龍塘：$9.8 加至 $10.1（加幅 3.1%）
太古至中環：$6.5 加至 $6.7 （加幅 3.1%）
迪士尼至羅湖／落馬洲：$53.8 加至 $55.3（達 $1.5，加幅 2.8%）
6 大小恩小惠
01/ 「即日回程9折優惠」繼續有，但只推4個月
每年按情況推出的「回程9折優惠」其實已經停咗一排，配合今次加價，將於6月回歸，不過實施到10月尾就會結束，取而代之，係每月得嗰一次的新方案－－「特惠星期六」。
02/ 加推「特惠星期六」
今年11月至出年3月，每月第一個周六，當日任何時段成人乘車只收小童票價，而特惠票（長者、小童、學生、殘疾人士等）則只收HK$1。
03/ 港鐵特惠站統一為 $2優惠
只要大家用成人八達通在以上的地點拍一拍港鐵特惠站，並於指定港鐵站入閘，即慳多達$2。而7月1日開始港鐵特惠站統一為 $2優惠（15個站拍卡由HK$1 蚊變HK$2 蚊），拍一次就可以慳$2，如果順路記得唔好錯過。大家想上深圳，但又怕貴，記住在深圳地鐵四號綫褔田口岸站內（顯示地圖），用成人八達通拍一拍特惠站上的閱讀器，即日於落馬洲站入閘即慳$3 (機場快綫除外)。近近地，大家就去嘟一嘟，即可獲得優惠慳一慳！
04/「都會票」延長一年
「都會票」會延長發售至出年6月30日，不過票價同樣有調整，會變成HK$425。用「都會票」嘅話，一程計返大概$10.625，啫係話如果你返工要過海，用「都會票」可能可以幫你慳返丁屎咁多，不過要留意，「都會票」要喺購票當日起計14日內作首次使用，車票於首次使用起計30日內有效（不限於同一個月份內）。
05/ 今年7、8月購買都會票、全月通有$50優惠券
喺呢兩個月購買都會票、全月通可以得到$50優惠券，不過只限港鐵站內舖使用，但有總好過冇啦⋯
06/ 每月之星無限任搭
港鐵會每月抽出一個日子，該日子出生的乘客可以換領一張「Happy Birthday 全日通」，於發票當日起三十天內有效。持票者可於有效期內任何一天，無限次乘搭港鐵本地車程（機場快綫、東鐵綫頭等，來往羅湖或落馬洲站及港鐵巴士除外）。「每月之星」另外還有港幣$50港鐵商場現金禮券，美心西餅生日蛋糕港幣$20現金券及美心中菜港幣$100元晚膳優惠禮券。中咗嘅話記得唔好蝕畀佢，搵日坐遠啲去玩啦！
