去旅行計到盡 教你訂酒店慳錢法！
廣告
每當聽到人講「你又去旅行呀？咁有錢嘅？」就會好嬲，旅行係平有平去，貴有貴去，睇你點使法嘅啫！如果有得慳嘅地方你唔慳，你咪蠢囉！就好似早排有傳媒教用訂房網站的「安心價格保證」，賺差價慳到盡，就引來極大迴響，有人鬧爆記者教唆人明知 Book 貴咗都要 Book，又話搵人哋公司笨唔值得推廣……不過亦有人支持呢個「扣減雙倍差額」方案係白紙黑字列明的著數，唔用先係蠢。不過講真，你估該網站唔知呢個所謂漏洞咩？想精明消費，不如睇睇以下 3 大網站 訂酒店慳錢 心得！
網民回應傳媒教唆人賺訂房差價時相當激動，指責是「諗縮數」，搵人笨。
1. 雙倍奉還價格保證 | Expedia
網上較大型的酒店網都有價格保證，即係同一入住條件下（如日期、房型、包早餐、取消政策等），若你搵到其他網站仲平啲，會退還差額，當中 Expedia 講明雙倍奉還，最多退 $800，都算多。
小貼士 : 細則好嚴苛，如價格保證只限交易後 24 小時內，仲要截圖證明，再填表格申請退款，網站顧問仲會電郵跟進數次，才會退回差價，手續繁複。
2. 電腦 Check 完用 App 訂 | Agoda
記者試過喺 Agoda check 酒店格價，點知同一間酒店竟然愈查愈貴，好似就快被人訂晒咁款，再用手機開 app 再 check，發現仲平過網頁價格！其實好多網頁都有暗中紀錄你的查詢，如果房價突然飆升，不妨轉用手機睇睇！
小貼士 : 雖然要裝多個 App 嘥 memory，但 Agoda 個 App 有時會有額外優惠，房價更實惠。
3. 記得做會員 | Hotels.com
入咗會有勁多優惠！一：會員價比街客平少少，而且訂房次數多可以升級會籍，更早收到優惠。二：會員住 10 晚送 1 晚，免費房間的房值相等於累積 10 晚房價嘅平均數， 9 折左右！
小貼士 : 10 送 1 嗰晚唔係間間酒店適用，但幫人訂房住咗都計，可以幾人合用一齊儲！
原文︰GOTrip
延伸閱讀：
【國泰港龍再徵燃油附加費！】
http://www.edigest.hk/Vip/detail?id=4465
【日本旬之鮮魚大集合】
http://www.edigest.hk/Vip/detail?id=4419
