IT男月入4萬 炒槓桿衰貪心輸130萬冇錢週轉：老婆啲錢都唔爭氣咁輸埋！

IT男炒槓桿輸1.3M

近日，有網民以「欠債1.3M 月入3萬9 求好心人建議」為題發文，指自己因為炒槓桿輸錢，心有不甘於是借錢再炒，可惜臨近「翻本」時，因貪心再次將錢輸光。

從事IT行業的事主月薪39,000，有雙糧及花紅，年薪約80萬。現時分別向不同銀行貸款共102萬，還欠下22.5萬卡數。樓主每期要還約3萬元貸款，但手上現金只夠供多一期，而且沒有足夠錢應付日常生活開支。

「有樓要供不過老婆名，（仲有）2個小朋友+姐姐，呢2個月仲要交年金/稅/車續牌等等都未諗到點拎錢出嚟交」

泥足深陷的事主後悔不已，為了處理債務，事主考慮過以下方式：

• IVA（債務重組）
• DRP（債務舒緩）
• 結餘轉戶
• 找家人朋友做低息1.5m分期貸款，分60期還款
• 申請破產

事主指，老婆只知道部份債務，亦曾借錢給事主周轉，不過事主「都係唔爭氣咁輸埋」，現今不知如何是好，唯有請教網民意見。

網民建議：先賣車再賣樓！

有網民分享自身經歷，建議事主爭取拉長還款期：

• 「我之前min pay都唔夠果時，係還左又拎返出來，因為信用卡同循環貸款可以咁，即係無還過，數冚數，拖延到可以做drp就做」
• 「債務重組拉長還款期」

部分網民建議樓主變賣物業和車，不過樓主表示物業落老婆名，上年做過轉按所以沒法套現。

• 「先賣車再賣樓、冇可能破產。你己好彩，層樓比起兩個月前起碼多番10%」
• 「你應該賣佐架車算啦，除非打多分工駕Uber，其實最好攤出黎講.. 或者轉工搵份工人高嘅」
• 「還咗三萬得七千，當你架車唔駛供都要每月四千，樓一萬供，又當你同老婆人一半都要七千，未計工人同食，邊夠，唔好玩啦，有樓一定要賣，其次cut工人cut車」
• 「換樓，大屋換細屋，從中套現 1百萬元，去填個黑洞。即 資產重組。這比節衣縮食，借來借去，輕易很多。」

也有人建議先清卡數，否則卡數越滾越大：

• 「卡數個度最頭痛、唔一炮過清到，會越滾越大」
• 「點都要同老婆講，問朋友借還咗卡數先」

延伸閱讀：車牌拍賣｜「R」車牌貴過6個第一城單位？「1至10號」車牌主人身份曝光！

延伸閱讀：公務員問老友借20萬應急 要求瞞住老婆左右為難：佢話分12期還錢，信得過？