27歲「月光族」銀行存款僅5萬蚊 同齡朋友結婚買樓大拋離：我人生係咪玩完？

27歲存款5萬

近日，有打工仔在連登討論區以「27歲，銀行得5皮，是否人生已完？」為題發文，指自己是月光族，沒有儲蓄習慣，而且同年的朋友都開始結婚、置業，令他倍感焦慮。

「細個唔識諗搵埋d錢賭哂，又冇儲錢月月清，見到野就買，一係課金，一係食貴野，餐餐出去食，仲有比家用。」

港人平均月儲$6,000

根據香港存款保障委員會在2021年公布的港人儲蓄調查，發現62%的受訪港人有儲錢習慣，每人每月平均儲蓄6,600元。

網民圍爐取暖：冇負債已經贏好多人！

大部分網民都認為事主有此覺悟已十分懂事，又指年紀尚輕「大把世界」，現在開始儲錢也不晚。

• 「而且有儲蓄已經比好多人好。不過廿尾真係分水嶺，知道要發力就得了。」
• 「啲錢唔洗都洗咗，想儲咪而家開始儲，趁未有家庭負擔洗下錢幾開心，咪以為個個要做業主先得㗎」
• 「係香港只係打工幾年，係正數，算係唔錯嘅起步。」

亦有網民認為「你的消費如何，你的存款也必如何」，提事主要注意自己的消費模式，並分享理財之道。

• 「比起0存款既人，你都仲有5萬蚊，係香港一係自我增值，一係學習財富增值，十年後你都只係37歲，plan下呢十年有咩目標同好好計劃啦，吃喝玩樂既生活諗清楚係need 定want 。」
• 「想快d儲多d， 用下個 excel 計下數， plan 下 3個月、6個月之後 的budget 同 儲錢target。」
• 「當你meet 唔到 target 都好。試左先，睇下邊到可以慳d ，自律好重要。」
• 「存款少又如何，錢放晒在優質資產上便不是問題。」

有不少網民留言指，沒有負債已經贏好多人，又笑言「歐美全部負數」，網民紛紛圍爐取暖，分享自己的經歷勉勵事主。

• 「無欠卡數財仔已經好好」
• 「我都係呢幾年冇去旅行冇去staycation 、冇去進修（我想讀嗰d要打咗針至可以上堂）至儲到錢⋯⋯」
• 「30歲前嘅我負債140,000啦，你唔好爭人錢已經好叻㗎啦」
• 「糸香港買樓只要儲到一舊錢，就會進入第二個階段負債 ，再三十年後就終於進入第三個階段，還清債務 ，同時生命也進入倒數階段。」
• 「無錢都可以結婚，買樓多數靠屋企。」
• 「使咗好過好過買tqqq輸到渣都冇。」

延伸閱讀：黑仔包租公遇地獄級租客 退租後「垃圾屋」實況嚇親網民：根本是災難片現場

延伸閱讀：最低工資「解凍」最快明年5月增至$40 網民揶揄：好嘢，2餸飯變3餸！