錶舖返工見識「有錢人」揮霍無度 打工仔當場嚇呆：睇唔出呢班人過億身家！

新工返錶舖大開眼界

近日有打工仔在香港討論區以「自從返工接觸多咗有錢人真係打破我想像」為題發文，指自己的新工在錶鋪任職，相比以往在辦公室工作，每日接觸到更多有錢人，而他們的生活作風完全顛覆樓主的想像。

樓主續指，富豪們的衣著普通，「完全唔係平時出街見到港女成身名牌嗰款，根本你係睇唔出呢班人過億身家」。

樓主又指他們不計較小錢，「普通人落嚟放錶就想有幾高價就放幾多，一百幾十都同你計」，而富人則不太在意金額，「就算蝕10萬8萬都話是但冇所謂，純粹真係搵個地方賣咗佢」。

眼界大開的樓主直言，「初初入嚟做真係呆咗，貧窮限制想像」。

網民：真正有錢嘅人好驚人知佢有錢

帖文引來網民熱議，不少人認同香港人越有錢越低調，不會炫富：

• 「香港地其實真係好多有錢人，執垃圾果班阿婆都分分鐘幾層樓揸手」
• 「我有親戚都係有錢，住獨立屋。我以為個個有錢佬都好識食，或者一定要餐餐靚嘢，偏偏佢食親都勁平民，幾十蚊夠飽就得」
• 「衣著判別是否有錢人就太天真。有少少錢嘅人好驚人唔知佢有錢，行頭好行。真正有錢嘅人好驚人知佢有錢，會好低調」
• 「我識幾億嗰個，請食嘢係去茶記，成日食辛辣麵。買幾十萬隻錶唔會戴，只戴A貨。唔會用提款咭，但會用長者咭搭2蚊車」
• 「窮人著衫都好普通，富人著衫都好普通，中間人先至著得靚」
• 「見識到有錢人，係食佢地喜歡食的東西，平貴和是否出名，不在佢地考慮之列，只有在傾生意時才會用高級貴價食物來招呼人客」

另一邊廂，有人指出越有錢的人越「孤寒」，而大手筆花錢的，多數是「富二代」：

• 「有錢人分白手興家同富後代，兩者性格大不同」
• 「至於亂洗錢，多數都係二代 」
• 「自己捱返來嘅財富，多數比較慳家。easy come 嘅財富(包括承繼得來)，會比較洗錢寬鬆」

也有打工仔留言分享自己接觸有錢人的見聞：

• 「做商場reception，最近先見過個客為咗換個三希樓新春賀歲套餐，專登洗多幾萬蚊去換」
• 「以前做錶行，有個女仔入嚟1個鍾內買咗3隻錶 $100萬，幾多sales 捱幾耐先有呢個數？」

延伸閱讀：利是公價2023｜開工利是起步價一律$50蚊？唔想得罪老細的辦公室派利是技巧

延伸閱讀：「窮二代」1,000蚊零用捱饅頭 一件事揭發父母原來勁有錢：養隻狗仲豪過我！