銀行人教路 兌換外幣 3大內幕你要知
廣告
小妹
😉：呢排咁多人去旅行，去之前可以睇下呢個「外幣兌換指南」！
文：肥妹@90後銀行小妹甩轆記
1. 電價/ 鈔價
好多客人都分唔到咩係電價同鈔價，簡單嚟講，喺户口嘅就係電價 ，而現金就係鈔價。
一般嚟講，用電價兑換外幣係會平過鈔價，但前提係你要有外幣户口，正因為電價較平，喺外幣户口拎現鈔會有限制，超過咗限額就要收取俗稱「補水」嘅手續費。
2. 有無散紙？
基本上係唔會有外幣嘅散紙，因為銀行喺總行申領返嚟一定係大紙，散紙要有其他客人入先有，所以通常都唔多。
各位客人唔好奢望銀行會有大量外幣嘅散紙，記得買外幣要買齊頭啦。
3. 係咪要訂？
你想確保有得拎，最好就訂定啦。
大部份分行你唔訂係唔會有貨，除非係啲好大間嘅區行or總行。但就算有貨都係少量，因為始終唔係本地貨幣，量唔多要分配比唔同客人，所以如果你要多嘅就一定要訂。
小妹見過好多客人話今日要飛先嚟拎外幣，聽到無貨就發曬脾氣，仲當小妹係妹仔咁要逐間打去問。
其實唔洗問都知除咗總行，其他分行都唔會有貨。所以喺到勸喻，要提早2-3日訂，訂咗就要嚟拎，無訂又想拎就唯有去總行啦。
［⛑頭盔：其實總行都未必有貨，如有需要請致電分行查詢。]
