連登仔搣唔甩「窮人DNA」：搭的士會望實咪錶！14個草根特徵，你中幾多樣？
廣告
有沒有想過「貧者越貧、富者越富」除了取決於本身擁有的財富，亦與生活習慣和心態有關？有網民在討論區發文，指自己被「草根習慣」嚴重影響社交和工作，引來一眾網民圍爐取暖，更有人表示「基層三大死罪齊曬」！
草根習慣DNA
近日有網民在連登討論區以「有啲咩細個遺留的窮人習慣，成年之後都改唔到?」為題發文，大呻自己已經將草根習慣刻進DNA，直接影響日常社交和工作，想改亦甚艱難。
該網民先列出兩點深受其害的習慣：
- 唔肯請人食飯
「老母自細已經要求唔好周圍請人食飯，覺得蝕底。成年之後工作先知道有機會請人食飯係非常好的機會，促成生意或者建立關係。」
- 見客應酬狼吞虎嚥
樓主指，傾生意少不免食高級中菜、Omakase，「做Junior果陣成日大驚小怪，好似食自助餐咁，「老細甚至會提你慢慢食，呢D成日有得食，果陣先知自己失禮。」
網民踴躍分享「窮人習慣」
貼文一出，不少網民點贊認同樓主的說法，並且踴躍留言分享自己的「窮人習慣」：
- 「搭的士望實個錶。」
- 「夜晚知道去食自助餐，早餐午餐都唔食/ 食放題食勁飽。」
- 「鍾意凍飲唔使加錢嘅餐廳。」
- 「食雪糕/乳酪一定要舔番個蓋底。」
- 「一兩蚊都計住，寧願行路多過搭車。」
- 「叫野之前都計住計住咁。」
- 「底褲同底衫穿哂窿都照著唔肯揼。」
- 「洗頭水用完加水。」
- 「淨係買特價嘢，見到大大隻sales，就會埋去望下。」
- 「做咩都問左要多錢先，永遠睇住預算做人。」
- 「去麥當勞要諗值唔值得為咗包shake shake 粉加大。」
- 「慳=收入增加。」
亦有網民表示自己中曬「窮人三大死罪」，包括「唔識揀行業入行、唔識投資/創業、唔識巴結富人。」
有網民分享自己的消費行為習慣，指某個價位以下會亂買， 即使不需要亦會多買幾件「試」；而某個價位以上，就會花太多時間格價，蝕時間、車錢、出街食飯錢，最終還是不捨得入手。
「TWS呀、 模型呀 、GAME呀、 PC硬件配件呀、 課金呀 、subscription呀，全部都係咁。」
亦有網民指自己唔窮，但也會偏向選擇較便宜的消費，「習慣咗睇數字多過睇心意，寧願㨂平但無咁鐘意，而放棄正價但真正鐘意嘅，慢慢變咗鐘意唔鐘意都唔識分。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：IG@hktaxitoronto、unsplash@drown_ in_city
