連登仔自細被母親「放負」撥冷水 返工變鵪鶉畀人烚：我邊有理由嬲佢哋！

網民呻母親思想負面

最近有網民在連登討論區以「有個諗嘢超負面嘅阿媽真係好悲哀」為題發文大吐苦水，直言母親思想十分負面，而且「衰多口，嘴賤唔經大腦」。

樓主舉例指，當年因為窮而未乘搭過飛機的母親看到空難相關的報導時，「佢話人抵死，鬼叫你去旅行咩…」樓主同情母親小時候有吃不飽的經歷，但不滿母親眼見他人享用美食時諷刺「咁肥食死你哋呀，爆血管中風呀…」

樓主指，母親在工作上若被人欺負會默默忍受，回家後才不停埋怨、宣洩情緒。

「工作比人烚永遠鵪鶉，返到屋企就不停怨，鬧人哋，發老脾…」

當樓主找到一份滿意的工作時，母親不但沒有感到高興，反而質問「有冇糧出㗎？好多呃人㗎！」令樓主即時由開心變「著哂」。

樓主和弟弟從小在母親的耳濡目染之下，兩人思想也偏向負面，弟弟甚至帶有點「毒」氣，不喜歡與人交流。樓主指，性格決定命運，直到開始工作後才開始學習欣賞別人，而並非放大其他人的缺點。

樓主表示，母親含辛茹苦照顧兩名兒子，兩兄弟長大後「請佢旅行食好西佢都唔鍾意」，並指母親認為「手停口停」，所以「寧願儲埋儲埋」。

此外，樓主慨嘆「最慘係，成長過程中所有諗法都受佢哋影響而不自知，到自己有小朋友仲傳承咗某啲缺點，先明白呢個原理，我好憎自己某方面嘅性格，有時就會遷怒父母，但冇父母就冇自己，投胎冇課金啫，好似冇理由嬲佢哋，所以好痛苦」。

網民圍爐：香港人把口唔識講好說話

帖文引來一眾網民的熱討，不少人留言同意母親只是「憎人富貴厭人貧」，並鼓勵樓主「不用太上心」。

• 「由你呢一代改變就得，明辨是非唔係必然嘅能力」
• 「你可以care佢，但唔洗理佢講嘅嘢」
• 「得罪講句，呢D唔係叫負面，係口臭」
• 「以前啲人係咁樣，乜都踩，驚讚你會讚壞(甚至而家有啲香港人都係咁），把口唔識講好說話，唔識欣賞、贊同、戥人高興」
• 「你想為自己未來嘅，就要擺脱佢行自己嘅路，永遠比佢拖累你一定無將來」
• 「香港人淨係識雞蛋挑石頭」

不少網民圍爐取暖，指家人思想負面十分影響自己情緒：

• 「屋企人諗野負面真係好麻煩，最衰係影響埋自己，明明心情好，講兩句即時DOWN晒」
• 「Same，長期同啲負面人一齊生活，搞到自己都好焦慮」
• 「同我老母一樣，講嘅說話全部都係負面，由細到大都係唔會讚自己仔女，就算帶佢去旅行食嘢，開口埋口就係都唔知有乜好食，又話以後都唔去，聽到真係勁冇癮」
• 「我老母都係咁，永遠唔會講好說話/讚人，咩都有野挑剔，話咁樣係「直腸直肚」為人好先咁」
• 「佢哋以前環境唔好，細個冇乜嘢食，變咗樣樣都要慳，所以我唔會話佢係一個唔好嘅阿媽，慳家亦唔係唔好，只係佢套方式對依家係不合時宜，不過呢啲都算，最傷心係有時同佢講啲嘢，會俾佢全部否定晒」
• 「阿媽講野好負面，返工帶飯，佢都可以話係咪無同事同你食飯，咁慘要帶飯，知道佢無惡意。但有時真係覺得好難聽」

除了不懂欣賞他人之外，有網民列舉華人獨有的文化：

延伸閱讀：馬斯克反口拋售Tesla 急套現310億幫Twitter「止血」：呢間公司就快破產！

延伸閱讀：細行代理訴苦生意「清零」 掉轉槍頭嚇走業主：日日打電話氹減價都唔肯！