27歲港男衰爛賭 月入25K欠債30萬！網民獻計3招將長命債「攤開嚟還」

27歲爛賭欠債30萬

近日有網民在連登討論區以「衰爛賭 月入25k欠債30萬」為題發文，指因賭博而負債累累，請教網民分期還債的方法。

今年27歲的事主表示，自己月入25,000元，去年分手後無寄託，便沈迷賭馬，並且就越賭越深，目前欠債30多萬，由於信貸評分欠佳，無法向銀行或一線財務借一大筆錢還債。

洗心革面的事主已到馬會辦理暫停戶口投注，但他每月仍要用90%人工還債，這令事主倍感壓力。

事主續指，家中並不富裕，不敢和家人坦白欠債一事；身邊朋友亦準備移民，因此「手頭緊」。因此，事主不得不上連登尋求協助，請教網民能夠將債務「攤開嚟還」的方法。

網民教路：老破係最後選項

網民紛紛為事主出謀獻策：

• 「二線會幫到你清數，三個月後你TU會升還上去，可以借銀行低息攤長還，但你還二線條數會好甘。忠告︰未爆煲都唔好借二線清數，雖然你都差唔多。」
• 「搵間無提早清還 / 提早清還手續費平既一線財清咗先，3個月tu好左再轉銀行。」
• 「到真係頂唔到，第一時間同屋企人講，唔好諗債冚債。」
• 「試問多幾間銀行做債務重組，咪揾二線財仔，死緊。問屋企，friend 借還左最貴個幾條數先啦。老破係最後選項，30萬多d要還都唔係mission impossible。」
• 「不如趁你仲頂到，同屋企人講，叫佢地幫手清左條信用卡數先，利息照比屋企人，好過利息益銀行，屋企人又有咁高息收，又開心。」

也有網民鼓勵事主，現在還年輕，只要努力工作很快便能還清債務：

• 「捱一年就還曬！」
• 「夜晚、星期六日返多份part time！」
• 「搵part time food panda又好，早起派報紙又好，大把過來人都係咁挨出嚟！」
• 「30 個有心還好快清！」

延伸閱讀：港男買樓後悔落女友名 首期供樓一手包辦 拍拖9年想分手：當時情急出於信任

延伸閱讀：的士乘客Call車加20蚊貼士 要求「的哥」落車做咕喱！網民訓斥：正常收350蚊