財務自由｜8成網民「財自不裸辭」 工作狂震驚外國網民：香港人咁鍾意返工？
如果有一天你財務自由還會工作嗎？
近日，一位網民在「Dcard」討論區發帖，標題開宗明義地問道，「如果你財務自由左仲會唔會返工？」雖然樓主並無透露自身財務狀況，但希望從網民的投票和留言中找到解答。
討論之前，樓主先對何謂「財務自由」下了個明確定義：具穩定的被動收入，而它可以支撐日常生活開支，金額約每月幾萬港元。
他特別聲明，這裡所指的「財務自由」並非「一百幾十億」的類型，不需要收藏跑車、也不需要每日品嚐名貴美酒。
83%人財務自由後選擇「繼續工作」
你以為財務自由的第一志願就是裸辭享受世界？
帖文的投票結果顯示，83%投票者在財務自由之後都會繼續工作，其中投票給「會（繼續返工），但返份hea工或者pt」的人最多，達68%；而投票給「會（繼續返工），繼續搏殺」的人也有15%。
財自是為了舒服地工作？香港人真係好鍾意返工
投票結果亦伴隨不少網友的留言支持，有人認為「財政上的壓力減少，可以更舒服地工作」；而且不用再為金錢而犧牲興趣「返自己真正想返既工」、「返自己有興趣或者帶嚟名譽嘅工」、「將興趣變成事業」；同時「不怕脫節，長遠而言保持競爭力，搵一份有滿足感開心的工作」。
有留言持平地分析工作與否要視年齡而定「睇自己年紀多大，少過 40 就揀繼續搏殺，大過40就揀 hea 工」；並提醒如果要再借錢買物業都要「收入證明」，故需要繼續工作。
更有「過來人」表示，他的一位親戚，因為父母替她存下大堆股票，令她年輕時已財務自由，目前她會閒時做兼職，或在家中打機消譴。
不過，有網民亦笑說「香港人真係好鍾意返工」，他亦自嘲「如果我成功買樓、結婚生仔、創業成功加上你講嘅假設」，仍會「hea返工」。
繼續兼職的原因：怕寂寞、你財自不代表朋友也是
至於最多人選擇的兼職工作，有網民道出重點，就是「財自都怕寂寞」，「一定係返工，個個朋友都返工，得你財自，想玩都無人陪你玩啦」。
因此，有人選擇仍然兼職是因為「完全唔返工其實會太得閒，返下pt,玩下有興趣既野，隨時想飛就飛，其實爽過啲好有錢既人」。
遠離工作的理由：辛苦搵錢緊係要享受人生
雖然投票結果比較一面倒傾向「繼續工作」，只有6%人選擇「唔會（繼續返工），係屋企量地」；及11%人選擇「唔會（繼續返工），讀返書/其他。」
對於仍然堅持工作的人，有網民直接表示「財自仲返咩工，有被動收入味得，咁辛苦搵錢緊係要拎去享受人生」，亦有人「想去環遊世界」。
有「處境一樣」的網民留言，他財務自由後「選擇先體驗人生，例如旅遊working holiday甚至試下移民，因為最差情況都只不過返香港做廢青/返hea工而又都可以有舒適嘅基本生活。」
撰文：Marcus Fung（斜槓創業者：自由文字編輯/Blogger/社交媒體營運專員，Marcus Marketing Blog）
