夫妻夾份供樓｜結婚俾首期的抉擇 物業填誰的名字？妻子企硬：信任好重要！
廣告
繼「阿媽同女友跌落海，你會救邊個？」之後，另一個本世紀值1百萬的問題，就是「買樓有沒有落老婆/女友的名字？」。若然另一伴沒有繳付首期，甚至不願意每月供樓，究竟應不應該加埋女方的名字呢？
拆名VS聯名
《經一》溫提，在現行樓市辣招措施之下，買樓印花稅是準買家夫婦關心的情況，其中「雙倍印花稅」（DSD），不論是單名或聯名，已擁有住宅物業者，再買第二間住宅物業，印花稅一律為買入業權價值的15％。故此不少早期置業的夫婦，若然想再買多一個單位，甚至會將聯名物業「拆名」，從而避開第二個物業，收取DSD雙倍印花稅。
唔講金好認真
置業乃人生大事，千辛萬苦儲到一筆首期，日後雙方都要死慳死抵供樓。想將持有的物業加上個人名字，其實又是理所當然的事情。
近日有網民出帖文，想了解另一伴會否夾錢買樓，以及是否一定要在樓契上「落名」。帖文一出激起千層浪。
有網民回應指需然各自負擔首期，不過物業只會寫其中一方的名字，因為二人打算將來再買一棟新的物業。故其中一方不能持有任何物業，從而避開15%「雙倍印花稅」。
有準備成為人妻的網民甜到漏地說：「啱啱先簽左臨時買賣合約，男朋友比7成，我比3成。但抽樓嗰陣男朋友同我都有入票，最後抽中我個名所以層樓係我個名。我有叫佢加埋佢個名上去，但佢話結婚之後儲下錢再買層放租，但呢件事上面。睇得出男朋友對我同佢之間既感情係好認真！」
「大家一早講到明話就算抽到邊個名都好，都會落埋對方個名，但係抽到我個名之後。佢反而係話：之後我地仲會買樓，到時先寫我啦，慳翻啲稅。」
亦有網民分享個人經驗：「首期每人一半，未結婚已經落左我名 ，最後結埋婚而家都好恩愛，信任好重要。」
講錢傷感情
有「心水清」的人一語道破重點：「落唔落名，結婚最後佢都係可以分到一半。」
然而，不少人仍覺得單位落咗自己名字，才會有「穩陣」的感覺。「一齊出錢 大概我 6 佢 4 咁，我早佢兩年出嚟做野，落哂兩個人名。」有網民就說邊個供「大份啲」，當事人便是業主。「我出230萬 老婆出40萬，落我名」
另有網民就表示：「最怕係拍緊拖買完樓分手」
網民意見：
- 而家呢個年頭，都係睇男家定女家既老豆老母邊邊有錢d。
- 有fd試過，結果唔夠一年就離婚。
- 我唔俾佢出錢，樓只落我名。
- 無出錢點解要佢名？
- 你係出面住都要俾租金啦！唔好同你講幫手供就寫佢名。
- 出咁大portion嘅首期，層樓佢就有份，有無名唔係最重要。
圖片來源：政府新聞處
