盡用 港鐵優惠 精明月慳$200
文：交通L Keith
圖：Keith、港鐵、「港鐵故障消息」
超方便 幫你計 港鐵優惠 ！「港鐵故障消息」網站
大多依靠鐵路運輸的市民最怕就是跨區上班，因為交通費極貴，以新界西居民為例，要前往觀塘沿線上班，單程就已經20多元，每日一出一入就嘟了$40。而住港島要過海上班，像記者由中環到觀塘亦要$14.5，來回已經30大元。
其實只要好好運用港鐵月票，就可月慳近$200。而以下這個網站可以幫你計埋使用月票可節省多少，超級方便。
即時顯示最合用的是屯門南昌全月通，更顯示到節省了幾多錢。
除了最合適的月票外，更會顯示不合用的作參考，非常詳細。
究竟點樣可以用盡優惠，記者即為大家揀來3條路線，從中教大家配合使用不同的 港鐵優惠 票，包括全月通、都會票、75折轉乘優惠，再加埋嘟$2優惠站，慳到最盡！
新界西居民 要用全月通
全月通暫時有5款，全部都可無限次任搭指定車站。
路線例子1 ：屯門-九龍灣
首先以堅毅民族新界西人作參考實例，看看全月通如何抵用。
由屯門到九龍灣上班，建議買$500的屯門-南昌全月通，可於1個月內無限次來往屯門至南昌各西鐵站。以每月20天上班計算，來回車程共40次，得出由屯門至南昌每程$12.5，比八達通價$16.2平。而由於是無限次數，所以搭得越多越平，如每日都使用，每程更只是$8.3。
全月通是港鐵的月票，可以1個月內在指定車站任用。如「屯門南昌全月通」就可任搭屯門至南昌站。
經計算後，由屯門至南昌1程，如每月搭40次，使用全月通比直接用八達通平近$4。
廣告
繼續搭另有75折
更吸引的是，由轉車站（南昌）再連接其他車站的車程，可享75折。所以由南昌至九龍灣，只需付$8.2 X 0.75 =$6.1。由屯門-九龍灣的去程是$12.5＋$6.1=$18.6，比直接使用八達通的$23便宜得多。
這張全月通只適用於屯門至南昌，南昌往後的車程要額外計算，但仍可有75折優惠。
所以今次示範的路線，原價$8.2可得75折至$6.1。
回程同上，如再嘟埋九龍灣$2優惠站，1個月可再慳$40！不過$2優惠站較遠離港鐵站，比較適合在MegaBox一帶上班的打工仔。
計俾你睇！每月慳$216：
使用優惠前： $23 （ 八達通 ） x 2 （ 來回兩程 ） x 20 （ 上班 20 天 ） = $920
使用優惠後： $500 （ 全月通 ） + $6.1 （ 連接車程 ） x 2 x 20 = $744
再使用$2優惠站： $2 x 20 = $40
每月可慳： $920 – $744 – $40 = $216
最後計算得出，最多每月可慳到$216，大家記得盡用優惠吧。
市區過海超過$10.7 必用都會票
路線例子2：中環-觀塘
如果上班要過海，而車費高於$10.7，就買都會票吧！因為都會票售$425，可以30天內使用40程。若用了都會票，每月上班20天，每天來回兩程，除開1程$10.6，所以像記者由中環到觀塘就要$14.2，用都會票每程平3元，月慳$143。
都會票的壞處是不能增值入八達通，要額外拿多1張卡，唔知係咪博大家唔記得拿出來嘟？
3大港鐵傳統紅藍綠線都可使用都會票。
計俾你睇！每月慳$143
使用優惠前： $14.2 （ 八達通 ） x 2 （ 來回兩程 ） x 20 （ 上班 20 天 ） = $568
使用優惠後： $425 （ 即都會票售價 ）
每月可慳： $568 – $425 = $143
行多15分鐘 嘟機減兩蚊
港鐵現有的優惠有上述的都會票及全月通，以及晨早75折及回程9折。不過說到最實用的，還是全港近30多部、人人都用得、一嘟搭港鐵即減$2的$2優惠站。可惜它們大多離港鐵站較遠，只適合優惠機附近上班族使用。但若果使用得宜，1個月慳多$80不是夢。
《我要搭盡港鐵》是本港鐵攻略，作者詳細解釋優惠機制及方法。$80 各大書局有售
路線例子3： 東涌-九龍灣
這個方法去程回程都用盡了$2優惠機，故1個月可以慳了$2 x 2（來回） x 20（上班20天）=$80。是由《我要搭盡港鐵》作者梁桂江親身示範，但比較極端，而且要走很多路，少點恆心也難實行。
計俾你睇！每月慳$253：
東涌-南昌首先購買東涌-南昌全月通$395，去程由東涌出發，在青衣先下車出閘（由於用了全月通不用扣錢），到青衣市政大廈$2優惠站嘟卡，繼續車程到九龍灣。
回程則先在九龍灣入閘前到企業廣場嘟$2 優惠站，再繼續行程到東涌。
使用優惠前： $20.3 （ 八達通單程 ） x 2 （ 來回兩程 ） x 20 （ 上班 20 天 ） = $812
使用優惠後： $395 （ 全月通 ） + ［ $8.2 x 0.75 （ 連接站 75 折 ） – $2 （ 優惠站 ） x 2 （ 來回兩程 ） x 20 （ 上班 20 天 ） ］ = $559
以打工仔每月返 20 日工計，即每月慳： $812 – $559 = $253
