理財要自小教！4歲女已要求坐郵輪 需要和想要 愈早識愈好｜屈智媚｜經一專欄

撰文：屈智媚Amy Wat ｜圖片：unsplash

從小學理財 盡早有正確金錢觀

現在的小朋友太叻，4、5歲就已經懂得跟父母說要求去坐郵輪（應該是從廣告看來的！），所以適時跟小朋友談論金錢，才能讓他們早些有正確金錢觀，分清「需要」和「想要」，將來就不用太擔心過度消費甚至透支消費。

活生生例子 扭計要坐頭等

一個活生生例子﹕孩子的爸爸帶她們乘坐過東鐵的頭等車箱一兩次，原意是讓小朋友坐舒服些睡覺。可是之後幾乎每次再乘東鐵時， 她們都會向媽媽提議、或扭計要坐頭等！

小孩問：做咩唔坐頭等啫？

媽媽答：要比多啲錢喎，我們只搭幾個站！

小孩問：比八達通咪得囉！

媽媽答：八達通都係錢黎喎！（所以增值要比孩子做來確定這件事）

小孩問：咁比幾多啫，我比囉！

媽媽答：你有工作賺錢嗎？

小孩答：我有儲錢啊！平時你地找錢啲蚊蚊我有儲。

簡單形象化 讓小孩學理財

媽媽答：咁即係都係我地既錢， （帶佢睇下街上招聘廣告既時薪）返工就係每小時$50，即係做兩個鐘，你先有$100用來學一堂跳舞。（簡單形象化，容易讓小孩子明白）

小孩還是有點不忿氣問：咁點解要整個頭等來吖？媽媽答：好問題，因為有些人想清靜些和闊落些。（接著google圖片講解飛機上的商務及頭等客位分別！）小孩終於略有領誤地不再扭要坐了。

分清「需要」和「想要」

在這個物質豐富的年代，筆者眼見很多小朋友玩具多，衣服多，但也會繼續扭計買。無論大人細路，在今天都要認真在購物前分辨「需要」和「想要」。其實「需要」也不一定要買，可以租或借；「想要」的最好可以成為動力或獎勵，不透支不浪費就好。