夫婦人工8萬變月光族 老公揭數簿、質疑老婆神秘開支：呢頭家正唔正常？

近日有人夫在香港討論區以「兩公婆搵8萬，但月月清，無儲備，正常嗎？」為題發文，大呻兩夫婦即使月入八萬，也是「月光族」。

樓主表示，現時夫婦二人和小朋友、外傭同住。他月入4.3萬元，開支如下：

• 15,000 元會給太太作家用，包括外傭費5,000元、水電媒費2,000元、租金3,000元，5,000元用來購買嬰兒尿片、奶粉等，「唔夠就由老婆負責」。
• 6,000元家用予父母
• 4,000元還銀行貸款
• 5,000元周末家庭活動開支，包括出街食飯、買書買玩具等。
• 1萬元個人使費
• 餘下用來交稅

樓主續指，太太月入3.8萬元，她為小朋友購買每月2,000元的儲蓄保險，其他使費毫不知情。

直至小朋友要讀N班，太太卻表示「冇錢畀」學費，才知太太都是「月月清」。最終小朋友每月約3,000元的學費由樓主負責，樓主不禁詢問其他網友，「呢頭家健康嗎？」

網民揶揄：帽事？

帖文引來網民熱議，不少人認為樓主的家庭經濟狀況不健康，尤其是太太的開支成謎：

• 「呢個家你老婆無份，佢啲錢到底去咗邊，祝你好運。」
• 「1份糧4個人使，你話呢？」
• 「老婆貼仔？帽事？」
• 「你老婆中左網上情緣，借錢俾人創業。」

樓主又補充開支明細：

有網民認為樓主的個人花銷太大，建議樓主縮減開支，以及和太太商量共同分擔家用：

• 「你嘅支出極不正常，建議你份loan（貸款）盡快還清，自己的使費減一半。」
• 「每個星期六日都洗五千，好大使。」
• 「咁你可以同你老婆傾吓， 叫佢家用都畀少少。」
• 「師兄真係要搞清楚你老婆啲錢去咗邊，頭家係大家都有份，而且你老婆嘅收入都唔算低，冇可能一個人單方面付出。」

不過，也有不少網民圍爐取暖，指現時物價昂貴，儲不到錢也能理解：

• 「好正常，你算係用得實際，物價太貴啦，生活唔到。」
• 「我搵十萬個個月都清！你哋好正常。」
• 「收入高使費就高。」

延伸閱讀：人情公價2023｜10個熱門擺酒地點人情價目表｜每圍酒席平均15萬！

延伸閱讀：90後賣餅女月入10萬 化身「扶弟魔」供養細佬：弟弟好、父母好、我們就好