信用卡優惠攻略 | 信用卡達人小斯教路 3招賺盡碌卡簽賬優惠 | 智慧理財
撰文：Cheryl ｜圖片：何柏基、 burst.shopify.com
信用卡優惠：自己親自打電話去換
2016年小斯幫自己一家8口，換了由大年初一至初六去大板的國泰來回機票。
大家都心水清，旺季是很難換到免費機票。由於360日前就可以用信用卡優惠換機票，於是小斯就計好日子，出發前360日，就於早上8點打電話去hotline。
「其實我7點9就打去啦，問吓其他嘢咁，問到8點就話換機票。就換到4張economy 4張business機票返嚟啦！」
要慳錢，當然唔單止睇信用卡優惠啦，選卡已經是很關鍵性的一步啦！
第1招. 要清楚你將來有何消費
有些信用卡迎新優惠是很好吸引，但要注意，如果申請完信用卡，但根本不會有機會經常碌卡／碌大面額，其實就會浪費迎新優惠。
如果你初出茅廬，剛剛出來工作，需要部iPad處理文書嘢，換言之你有筆錢要用啦。用你買iPad 的錢，去賺個迎新信用卡優惠，這是我覺得最重要啦。
第2招. 從簽開甚麼類型賬單出發
例如做保險，要成日見客食飯，當然要有一張食飯夠抵的信用卡，去幫你處理日常消費。
所以了解個人消費模式是很重要，再選擇張合適信用卡，自然更容易將你的消費，轉做飛行里數或者現金回贈啦！
第3招. 分清想儲里數還是現金回贈
容易請大假的打工仔，容易自己安排假期，可以淡季去到旅行的人，適合揀現金回贈優惠，因為淡季去旅行，機票通常較便宜，一千蚊左右搭廉航都可以去到日本。
但調返轉，你係做老師的話，只可以旺季去旅行，旺季來回機票都至少要三千蚊。
旺季先去到玩的人，我會建議要揀飛行里數換機票啦。
低消費慳家的朋友仔，又可以選擇現金回贈。 因為現金回贈，很多時都會扣你卡數，等你可以找少啲錢。
低消費又有好鐘意去旅行，而亦係只有旺季抽到時間去旅行的話，㨂一張積分冇限期的信用卡。雖然你可能簽得少，但你可以慢慢儲，就唔會過期啦！
好鐘意去旅行，亦會簽好多卡數的人，可以積極一些， 揀儲分有限期的信用卡積，因為積分相對會儲多一些。有些換里數要手續費用，但手續費是一次性。如果你一次過簽好多，儲埋一筆去換，其實都是有著數。
信用卡優惠：除咗講換機票外，唔同消費模式，又應該用哪些卡，換哪類型優惠最適合呢？
媽媽Type：好多時信用卡消費都有折扣，可能媽媽要照顧小朋友，比較少出街，使費最多是超市購物，當然要用一張在百佳惠康購物有折扣的信用卡，因為信用卡於特定節日消費，是有信用卡優惠的！
2人「無飯家庭」： 好多2人家庭，兩公婆都要翻工好少煮飯， 往往都會出家食飯。 AE白金信用卡雖然要支付年費，但去美心食飯是有半價， 其實計計埋埋都慳唔少！
年輕人：香港地拍拖，少不免都係行街睇戲為主，拎張AE卡於特定戲院睇戲買一送一，都幾抵喎！
大專生／大學生： 個人覺得大專生的信用卡，對賺信用卡優惠沒有用處。有些信用卡就寫明學生都可以申請，安信張Earn MORE是不錯的。對學生哥而言都抵玩㗎。
仲有安信WEWA卡，如果你去樂園，會有4％現金回贈，簽其他都至少有2%回贈 ，好適合學生， 簽得少但都有回贈。 而且仲可以在大專時候，訓練自己學理財！
除咗信用卡優惠外，仲有咩途徑去旅行會有著數？
1.買機票
可以用skyscanner去check吓個價錢，佢絕對能給你初步idea乘撘哪個航空會較便宜。
你亦可以用它作參考，睇吓買邊間airline又或者哪個網站價格最平。
Search完出來的價格外，別忘記仲有extra discount code！
例如trip.com 同Zuji，記住要比較扣除discount code後的價錢！
要留意購買機票的網站是否能儲分
購物除咗可以儲到信用卡積分外，其實網站本身都有分可以儲，例如expedia同trip.com
另外，小斯提返大家，通常廉航都是在官網訂最平，而去近嘅地方如果你官網訂就比較大機會都會係貴啲。
網上訂機票嘅旅遊網站通常會平啲。因為佢地會mark 低啲個價吸引大家
同埋佢本有分儲，係抵啲架！
2.訂酒店
訂酒店時連鎖式同非連鎖式會用不同方式去獲取至抵價。
好多連鎖式酒店的discount code其實未必用到，所以大部分情況都會在酒店官網訂是最平。
而普遍連鎖式酒店都會有最低價格保證，如果酒店官網價並不是最抵，你在第二個網站cap低較抵的價錢，然後send比該酒店看，佢地除了會給你較抵的價錢之外，有些還會給你8折或者更多！
提提你： 連鎖式酒店大多數在它們官網訂才儲到積分換它們酒店優惠
訂非連鎖酒店：Hotelscombined 同Trivago都是不錯的選擇！
3.多用電子錢包也可賺取信用卡優惠！
依加用電子錢包 PayMe、O！ePay、WeChat Pay HK和支付寶香港都可以賺到信用卡積分或里數！
4.Asia miles 里數平時仲有咩途徑儲到？
大家平時簽單時可以留意吓商戶可唔可以儲埋Asiamiles。
中環都有不少餐廳都可以儲Asiamiles㗎！中環翻工的一族就唔好走寶啦。
如用合作信用卡喺惠顧夥伴餐廳簽賬仲可賺雙重「亞洲萬里通」里數添！
